നാല് കിലോവാട്ട് വരെ കണക്റ്റഡ് ലോഡ് ഉള്ള ചെറുകിട, സൂക്ഷ്മ സംരംഭങ്ങള്‍ ആരംഭിക്കാന്‍ പുതിയ കണക്‌ഷന്‍ എടുക്കേണ്ടതില്ല. പകരം വീട്ടിലെ വൈദ്യുതി കണക്‌ഷൻ തന്നെ ഇതിനായി പ്രയോജനപ്പെടുത്താം. ഇതിനുള്ള ചട്ടങ്ങളും ഭേദഗതി കോഡില്‍ നിഷ്കര്‍ഷിച്ചിട്ടുണ്ട്.
ഡിമാൻഡ് അധിഷ്ഠിത ബില്ലിംഗ് താരിഫ് ഉള്ള ഉപഭോക്താക്കള്‍ കണക്റ്റഡ് ലോഡില്‍ കൂടുതല്‍ ഉപകരണങ്ങള്‍ സ്ഥാപിച്ചാല്‍ പിഴയീടാക്കുന്നത് സംബന്ധിച്ച് വ്യക്തതയുള്ള നടപടിക്രമങ്ങള്‍ ചട്ടങ്ങളില്‍ ഉള്‍പ്പെടുത്തിയിട്ടുണ്ട്. അധിക ലോഡിന്‍റെ ഉപയോഗം മീറ്ററില്‍ രേഖപ്പെടുത്തിയത് കണക്കിലെടുത്ത് മാത്രമേ പിഴയീടാക്കാന്‍ പാടുള്ളൂ എന്നാണ് ഭേദഗതി കോഡില്‍ നിഷ്കര്‍ഷിച്ചിട്ടുള്ളത്. പുതിയതും പഴയതുമായ ബഹുനില കെട്ടിടങ്ങളില്‍ വൈദ്യുതി ചാര്‍ജിംഗ് യൂണിറ്റ് സ്ഥാപിക്കുന്നതിനുള്ള ചട്ടങ്ങളും ഭേദഗതി കോഡില്‍ ഉള്‍പ്പെടുത്തിയിട്ടുണ്ട്.