നയരൂപീകരണ സമിതിയില്‍ എംഎല്‍എയും നടനുമായ മുകേഷ് ഉള്‍പ്പെട്ടിരുന്നു. എന്നാല്‍ ലൈംഗികാരോപണം നേരിടുന്ന നടന്‍ സമിതിയില്‍ ഉണ്ടായതു വലിയ വിവാദങ്ങള്‍ക്കിടയാക്കിയതോടെ പിന്നീട് ഒഴിവാക്കുകയായിരുന്നു.
സിനിമാ രംഗത്തെ വിവിധ മേഖലകളില്‍ പ്രവര്‍ത്തിക്കുന്ന ആളുകളുമായി ചര്‍ച്ച നടത്തി അവരുടെ നിര്‍ദേശങ്ങളും അഭിപ്രായങ്ങളും ശേഖരിച്ച് മേഖലയില്‍ ഒരു നയം രൂപവത്കരിക്കുക എന്നതാണു സമിതിയുടെ ലക്ഷ്യം.
സംഘടനകളുമായി ചര്‍ച്ച നടത്തി കരട് രേഖ തയാറാക്കി അതു സിനിമാ കോണ്‍ക്ലേവില്‍ അവതരിപ്പിക്കും. അവിടെ ഉയരുന്ന ചര്‍ച്ചകളുടെയും അഭിപ്രായങ്ങളുടെയും വിശദമായ ഡ്രാഫ്റ്റ് തയാറാക്കി സര്‍ക്കാരിന്‍റെയും പ്രതിപക്ഷത്തിന്‍റെയും പരിഗണനയ്ക്കു വയ്ക്കും. തുടര്‍ന്നായിരിക്കും സിനിമാനയം സര്‍ക്കാര്‍ രൂപവത് കരിക്കുക. 2023 ഓഗസ്റ്റില്‍ നയരൂപീകരണ സമിതി രൂപവത്കരിച്ചെങ്കിലും ചര്‍ച്ചകളിലേക്കു കടക്കാന്‍ കഴിഞ്ഞിരുന്നില്ല.