സ്കൾ, കോളജ്, ഗവേഷണ തലത്തിലുള്ള 13നും 37നും മധ്യേ പ്രായമുള്ള വിദ്യാർഥികൾക്ക് അവരുടെ നൂതന ആശയങ്ങൾ വികസിപ്പിക്കാനും പ്രവർത്തികമാക്കുവാനും ആവശ്യമായ സാങ്കേതിക സാമ്പത്തിക സഹായങ്ങൾ നൽകാൻ ആസൂത്രണ സാമ്പത്തികകാര്യ വകുപ്പിന് കീഴിലുള്ള കേരള ഡെവലപ്പ്മെന്‍റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ (കെഡിസ്ക്) ആവിഷ്കരിച്ചു നടപ്പിലാക്കുന്ന പരിപാടിയാണ് യങ് ഇന്നൊവേറ്റേഴ്സ് പ്രോഗ്രാം.
വൈഐപിയുടെ ഇതുവരെയുള്ള പതിപ്പുകളിൽ ഏറ്റവുമധികം വിദ്യാർഥികൾ ഭാഗമായ ഒന്നായിരുന്നു ഇത്. 1,98,123 വിദ്യാർഥികൾ വൈഐപി ശാസ്ത്രപഥം 7.0 യിൽ രജിസ്റ്റർ ചെയ്യുകയും, 17,020 ടീമുകൾ അവരുടെ ആശയങ്ങൾ സമർപ്പിക്കുകയും ചെയ്തു.