ജൂബിലി ഒരുക്കങ്ങളുടെ ഭാഗമായി രൂപതയുടെ പ്രഥമ ബിഷപ് മാര് സെബാസ്റ്റ്യന് വയലിലിന്റെ മെത്രാഭിഷേകത്തിന് ആതിഥ്യം വഹിച്ച റോമിലെ സെന്റ് തെരേസാസ് ദേവാലയത്തില് രൂപതാധ്യക്ഷന് മാര് ജോസഫ് കല്ലറങ്ങാട്ട് വിശുദ്ധ കുര്ബാനയര്പ്പിച്ച് പ്രാര്ഥനകള് നടത്തിയിരുന്നു.
പ്രേഷിതസംഗമം, യുവജനസംഗമം, ദളിത് ക്രൈസ്തവ സംഗമം, ലിറ്റര്ജിക്കല് ക്വിസ് തുടങ്ങിയവ ജൂബിലിവര്ഷത്തില് നടക്കും. രൂപത, മേഖല, ഫൊറോന, ഇടവക തലങ്ങളിലായാണ് ആഘോഷങ്ങള് ക്രമീകരിച്ചിട്ടുള്ളത്. സീറോമലബാര് സഭാ മേജര് ആര്ക്കി എപ്പിസ്കോപ്പല് അസംബ്ലിക്കും പാലാ രൂപത ആതിഥ്യം വഹിക്കും.