2023ലെ എൻഡോവ്മെന്റ് അവാർഡുകൾക്ക് ഏഴുപേർ അർഹരായി. കെ.സി. നാരായണൻ - ഉപന്യാസം -സി.ബി. കുമാർ അവാർഡ് (3000 രൂപ), കെ.എൻ. ഗണേശ് - വൈദികസാഹിത്യം - കെ.ആർ. നന്പൂതിരി അവാർഡ് (2000 രൂപ), ഉമ്മുൽ ഫായിസ - വൈജ്ഞാനികസാഹിത്യം - ജി.എൻ. പിള്ള അവാർഡ് (3000 രൂപ), എ.വി. സുനു -ചെറുകഥ- ഗീതാ ഹിരണ്യൻ അവാർഡ് (10000 രൂപ), ആദി - യുവകവിത അവാർഡ് (10,000 രൂപ), ഒ.കെ. സന്തോഷ് - സാഹിത്യവിമർശനം - പ്രഫ. എം. അച്യുതൻ എൻഡോവ്മെന്റ് അവാർഡ് (25000 രൂപ). കെ.ടി. പ്രവീണ് തുഞ്ചൻ സ്മാരക പ്രബന്ധ മത്സര വിജയിയായി എൻഡോവ്മെന്റ് പുരസ്കാരത്തിന് (5000 രൂപ) അർഹനായി.
പുരസ്കാരത്തിന് അർഹമായ കൃതി ഇല്ലാത്തതിനാൽ വിലാസിനി പുരസ്കാരം ഇത്തവണ പ്രഖ്യാപിച്ചിട്ടില്ല. അക്കാദമി സെക്രട്ടറി പ്രഫ. സി.പി. അബൂബക്കർ, വൈസ് പ്രസിഡന്റ് അശോകൻ ചരുവിൽ, കമ്മിറ്റി അംഗങ്ങൾ എന്നിവരും പത്രസമ്മേളനത്തിൽ പങ്കെടുത്തു.