കേരള കോണ്ഗ്രസ് എമ്മിന്റെ രാഷ്ട്രീയ അർഹതയ്ക്ക് അനുയോജ്യമായ അംഗീകാരം മുന്നണിക്കു നേതൃത്വം നൽകുന്ന സിപിഎമ്മും മുഖ്യമന്ത്രിയും നൽകിയതിൽ സന്തോഷവും സംതൃപ്തിയുമുണ്ടെന്ന് ജോസ് കെ. മാണി പറഞ്ഞു.
യുഡിഎഫിനു വിജയിക്കാവുന്ന സീറ്റിൽ സ്ഥാനാർഥിയായി മുസ്ലിം ലീഗിൽനിന്നുള്ള അഡ്വ. ഹാരിസ് ബീരാൻ മത്സരിക്കും. ഇന്നലെ തിരുവനന്തപുരത്ത് ചേർന്ന ലീഗ് ഉന്നതാധികാര സമിതി യോഗത്തിലാണ് തീരുമാനം.
സുപ്രീംകോടതി അഭിഭാഷകനായ ഹാരിസ് ബീരാൻ 2011 മുതൽ ഡൽഹി കെഎംസിസി യുടെ പ്രസിഡന്റ്, ലോയേഴ്സ് ഫോറം ദേശീയ കണ്വീനർ. മുസ്ലിം ലീഗ് ഭരണഘടനാ സമിതി അംഗം തുടങ്ങിയ പദവികൾ വഹിക്കുന്നു. യുപിഎ സർക്കാർ കാലഘട്ടത്തിൽ വിദേശകാര്യ മന്ത്രാലയത്തിന്റെയും പരിസ്ഥിതി മന്ത്രാലയത്തിന്റെയും അഭിഭാഷകനായിരുന്നു.