ബിജെപി-സിപിഎം ബാന്ധവം എസ്എഫ്ഐഒയുടെയും ഇഡിയുടെയും അന്വേഷണം ഒരു കേസിലും എങ്ങുമെത്തിയില്ല. തെരഞ്ഞെടുപ്പിനു തൊട്ടുമുമ്പ് കരുവന്നൂരില് സിപിഎമ്മുകാരെ ഇപ്പോള് പിടിക്കുമെന്ന തോന്നലുണ്ടാക്കി. എന്നിട്ട് ഏതെങ്കിലും സിപിഎം നേതാവിനെ അറസ്റ്റ് ചെയ്തോയെന്നും സതീശന് ചോദിച്ചു. ബിജെപി ഇഡിയെ ഉപയോഗിച്ച് തൃശൂരിലെ സിപിഎം നേതാക്കളെ വിരട്ടിനിര്ത്തുകയായിരുന്നു.
വേറെ ചില സ്ഥലങ്ങളില് എസ്എഫ്ഐഒ ഇപ്പോള് വരുമെന്നു പറഞ്ഞിട്ടും ഇതുവരെ ഒരാളെപ്പോലും ചോദ്യം ചെയ്തില്ല. കേജരിവാളിനെ ഉള്പ്പെടെ ജയിലിലാക്കിയിട്ടും കേരളത്തില് ബിജെപിയും സിപിഎമ്മും തമ്മില് സ്നേഹത്തിലാണ്. അതാണ് രാഹുല് ഗാന്ധിയും പറഞ്ഞത്.
അവിശുദ്ധമായൊരു ബാന്ധവം സംഘപരിവാറും കേരളത്തിലെ സിപിഎമ്മും തമ്മിലുണ്ട്. ഇതിനു മുമ്പുള്ള കേസുകളിലും എല്ലാ ദിവസവും മാധ്യമപ്രവര്ത്തകര്ക്ക് വിവരം നല്കിയിരുന്ന കേന്ദ്ര ഏജന്സികള് പെട്ടെന്ന് ഒരുദിവസം കട്ടയും ഫയലും മടക്കി പോയി. അതുതന്നെയാണ് ഈ കേസുകളിലും നടക്കുന്നത്.
കൃത്യമായ അന്വേഷണം നടത്തിയില്ലെങ്കില് പ്രതിപക്ഷം നിയമവഴികള് തേടുമെന്നും സതീശന് പറഞ്ഞു.