സാധാരണഗതിയില് മണ്സൂണ് കാലത്ത് ഇത്തരത്തില് കൂമ്പാര മേഘങ്ങള് ഉണ്ടാകാറില്ല. എന്നാല് അടുത്തകാലത്തായി മണ്സൂണ് കാലത്തും കൂമ്പാര മേഘങ്ങളുടെ സാന്നിധ്യം കണ്ടുവരുന്നുണ്ടെന്നും അദ്ദേഹം പറഞ്ഞു.
എന്താണ് മേഘവിസ്ഫോടനം? വളരെ കുറഞ്ഞ സമയത്തിനകം ഒരു പ്രദേശത്തുണ്ടാകുന്ന അതിശക്തമായ പേമാരിയെയാണ് മേഘവിസ്ഫോടനം എന്ന് ഒറ്റവാക്കില് നിര്വചിക്കുന്നത്.
ചുരുങ്ങിയ സമയം കൊണ്ടുതന്നെ വലിയ മഴയുണ്ടാകുന്നതിനാൽ മേഘവിസ്ഫോടനം ഉണ്ടാകുന്ന പ്രദേശങ്ങളില് വെള്ളപ്പൊക്കവും ഉരുള്പൊട്ടലും അനുബന്ധമായി ഉണ്ടാകുന്നു.
മേഘങ്ങളുടെ കൂട്ടത്തില് ഏറ്റവും വലുപ്പമേറിയ കുമുലോ നിംബസ് എന്ന മഴമേഘങ്ങളാണ് മേഘവിസ്ഫോടനമുണ്ടാക്കുന്നത്.