സബ് ഇൻസ്പെക്ടർ തസ്തികയുടെ എല്ലാ കാറ്റഗറികളിലുമുള്ള ചുരുക്കപ്പട്ടികയിൽ ഉൾപ്പെട്ടവരുടെ അപേക്ഷകളുടെ സൂക്ഷ്മപരിശോധന ഈ മാസം പൂർത്തിയാക്കി അഭിമുഖം ഏപ്രിൽ മാസം നടത്തുമെന്നും പിഎസ്സി അറിയിച്ചു.
എസ്ഐ നിയമനത്തിനുള്ള മുൻ പട്ടികകളിലും ക്രമക്കേടുകൾ നടന്നതായി ആരോപണം ഉയർന്നിട്ടുണ്ട്. 2013ലെ കായിക ക്ഷമതാ പരീക്ഷാ നടത്തിപ്പിലും സംവരണ വെയിറ്റേജ് മാർക്ക് നൽകിയതിലും അപാകത ഉണ്ടെന്നാരോപിച്ച് അന്ന് പരീക്ഷ എഴുതിയ ഒരു ഉദ്യോഗാർഥി വിജിലൻസ് ഡയറക്ടർക്കു പരാതി നൽകിയിരുന്നു.