കേരളത്തിലെ എല്ലാ സിറ്റിംഗ് എംപിമാരും തെരഞ്ഞെടുപ്പു പ്രവർത്തനങ്ങൾ തുടങ്ങിക്കഴിഞ്ഞു. ഈ സാഹചര്യത്തിൽ ഇനി മാറ്റമുണ്ടാകാൻ സാധ്യത കുറവാണ്. തെരഞ്ഞെടുപ്പു തന്ത്രജ്ഞൻ സുനിൽ കനുഗോലുവിന്റെ സർവേ ഫലത്തെ അടിസ്ഥാനമാക്കി ഏതെങ്കിലും മണ്ഡലത്തിൽ കേന്ദ്ര നേതൃത്വം പുതിയ സ്ഥാനാർഥിയെ നിർദേശിക്കുമോ എന്ന കാര്യത്തിൽ ഉറപ്പില്ല. ഞായറാഴ്ച നടക്കുന്ന സ്ഥാനാർഥിനിർണയ ചർച്ചകളിൽ കെപിസിസി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനും പങ്കെടുക്കും.
ഇന്നലെ നടന്ന സ്ക്രീനിംഗ് കമ്മിറ്റിയിൽ കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി ദീപ ദാസ് മുൻഷി, സ്ക്രീനിംഗ് കമ്മിറ്റി അംഗം ഹരീഷ് ചൗധരി, കെ. സുധാകരൻ, വി.ഡി. സതീശൻ എന്നിവർ പങ്കെടുത്തു.