പ്രധാന പ്രതികളായ എസ്എഫ്ഐക്കാരെ സംരക്ഷിക്കുന്നത് സിപിഎമ്മെന്ന് സിദ്ധാർഥന്റെ പിതാവ് നെടുമങ്ങാട്: സിദ്ധാർഥന്റെ മരണത്തിനു പിന്നിൽ പ്രവർത്തിച്ച പ്രധാന പ്രതികളായ എസ്എഫ്ഐക്കാരെ സിപിഎം സംരക്ഷിക്കുകയാണെന്ന് സിദ്ധാർഥന്റെ പിതാവ് ജയപ്രകാശ്. തന്റെ മകൻ തൂങ്ങിമരിച്ചതല്ല. അവനെ എസ്എഫ്ഐക്കാർ മർദിച്ചു കൊന്നതാണ്. എസ്എഫ്ഐയിൽ ചേരാൻ മുതിർന്ന വിദ്യാർഥികൾ നിർബന്ധിക്കുമായിരുന്നു. എന്നാൽ, അവരുടെ നിർബന്ധത്തിന് അവൻ വഴങ്ങിയില്ല.
കോളജ് ഹോസ്റ്റലിൽ മയക്കുമരുന്ന്, മദ്യം എന്നിവ എസ്എഫ്ഐക്കാർ ഉപയോഗിക്കുന്നതിനെക്കുറിച്ചും മകൻ പറഞ്ഞിരുന്നെന്നും ജയപ്രകാശ് ചൂണ്ടിക്കാട്ടി.
പ്രത്യേക അന്വേഷണസംഘം രൂപീകരിക്കാൻ മുഖ്യമന്ത്രിയുടെ നിർദേശം തിരുവനന്തപുരം: സിദ്ധാർഥന്റെ മരണത്തിൽ പ്രത്യേക അന്വേഷണസംഘം രൂപീകരിക്കാൻ മുഖ്യമന്ത്രി പിണറായി വിജയൻ സംസ്ഥാന പോലീസ് മേധാവിക്ക് നിർദേശം നൽകി. പ്രതികൾക്കെതിരെ ശക്തമായ നിയമനടപടി സ്വീകരിക്കാനും മുഖ്യമന്ത്രി ഉത്തരവിട്ടു.