ലോക പ്രണയദിനമായ 14 മുതല് സീനിയര് വിദ്യാര്ഥികള് സിദ്ധാര്ഥനെ ഉപദ്രവിച്ചിരുന്നു. 15ന് വീട്ടിലേക്കു പുറപ്പെട്ട സിദ്ധാര്ഥന് എറണാകുളത്ത് എത്തിയപ്പോഴേക്കും ലഭിച്ച ഫോണ് വിളിയെത്തുടര്ന്ന് കാമ്പസിലേക്കു മടങ്ങി.
16നും 17നും സീനിയര് വിദ്യാര്ഥികളില് ഒരു സംഘം സിദ്ധാര്ഥനെ മാനസികമായി പീഡിപ്പിക്കുകയും മര്ദിക്കുകയും ചെയ്തിരുന്നു. 18നു രാവിലെ ഹോസ്റ്റല് അന്തേവാസികളായ 130 വിദ്യാര്ഥികളുടെ സാന്നിധ്യത്തില് വിചാരണ ചെയ്തു. ഇതിനു പിന്നാലെയാണ് സിദ്ധാര്ഥനെ തൂങ്ങിമരിച്ച നിലയില് കണ്ടെത്തിയത്.
യുവാവ് മര്ദനത്തിനും മാനസികപീഡനത്തിനും ഇരയായ വിവരം സഹപാഠികളില് ചിലര് മുഖേനയാണ് രക്ഷിതാക്കള് അറിഞ്ഞത്. പിതാവ് വൈത്തിരി പോലീസില് പരാതി നല്കിയതോടെയാണ് സിദ്ധാര്ഥനുനേരേയുണ്ടായ ക്രൂരത കാമ്പസിനു പുറത്തറിഞ്ഞത്.