ഇരുവരും പരസ്പരം സംസാരിക്കുകയും ഒന്നിച്ച് വാർത്താസമ്മേളനം നടത്തുകയും ചെയ്തു. 11.05നായിരുന്നു വാർത്താസമ്മേളനം നിശ്ചയിച്ചിരുന്നതെന്ന് പിന്നീടെത്തിയ പ്രതിപക്ഷ നേതാവ് സതീശൻ പ്രതികരിച്ചു.
സുധാകരന്റെ വിശദീകരണം ആലപ്പുഴ: പ്രതിപക്ഷ നേതാവ് വി.ഡി. സതീശനെതിരേ തെറിവാക്ക് പ്രയോഗിച്ചതിൽ വിശദീകരണവുമായി കെ. സുധാകരൻ എംപി. “എനിക്ക് പ്രതിപക്ഷ നേതാവിനോട് ഒരു ദേഷ്യവുമില്ല. സമയം വല്ലാതെ വൈകിയപ്പോൾ മാധ്യമങ്ങളോട് മര്യാദ കാണിച്ചില്ല എന്നെനിക്കു തോന്നി.
അതാണ് പ്രകടിപ്പിച്ചത്. അത് വ്യക്തിപരമായ പരാമർശമല്ല. ഞങ്ങൾ തമ്മിൽ ഒരു അഭിപ്രായ ഭിന്നതയുമില്ല. ഈ വിഷയത്തിൽ ഞാൻ സതീശനെതിരേ പ്രതികരിച്ചു എന്നതരത്തിൽ പ്രചാരണം കൊടുത്തത് ശരിയായില്ല. സതീശനും താനും ജ്യേഷ്ഠാനുജന്മാരെ പോലെയാണ്. സത്യത്തിൽ ഞാൻ പെട്ടന്നുണ്ടായ തോന്നൽ പ്രകടിപ്പിച്ചു എന്നുമാത്രമേയുള്ളൂ. അതിൽ ഞാൻ ഉറച്ചു നിൽക്കുന്നു. ഇതിൽ ഒരു വിവാദവുമില്ല. മാധ്യമങ്ങളാണ് വിവാദമുണ്ടാക്കിയത്”.