റെ​ജി ജോ​സ​ഫ്

കോ​ട്ട​യം: സം​സ്ഥാ​ന​ത്ത് വൈ​ദ്യു​തി​യി​ല്ലാ​ത്ത എ​ല്ലാ ആ​ദി​വാ​സി ഊ​രു​ക​ളി​ലും സ​മ​യ​ബ​ന്ധി​ത​മാ​യി സൗ​രോ​ര്‍ജ​മെ​ത്തി​ക്കാ​ന്‍ പ​ട്ടി​ക​ജാ​തി-​പ​ട്ടി​ക​വ​ര്‍ഗ വ​കു​പ്പും വൈ​ദ്യു​തി ബോ​ര്‍ഡും ചേ​ര്‍ന്ന് പ​ദ്ധ​തി​യൊ​രു​ക്കു​ന്നു.

ആ​ദ്യ​ഘ​ട്ട​മാ​യി നാ​ലു ജി​ല്ല​ക​ളി​ല്‍ ഏ​റ്റ​വും ഉ​ള്‍പ്ര​ദേ​ശ​ത്തു​ള്ള 750 ആ​ദി​വാ​സി വീ​ടു​ക​ളി​ല്‍ സൗ​രോ​ര്‍ജ പ്ലാ​ന്‍റു​ക​ൾ സ്ഥാ​പി​ച്ച് സ​ര്‍ക്കാ​ര്‍ ഏ​ജ​ന്‍സി അ​ന​ര്‍ട്ട് സോ​ളാ​ര്‍ വൈ​ദ്യു​തി എ​ത്തി​ക്കും.

196 കോ​ടി​യു​ടെ പ​ദ്ധ​തി​യി​ല്‍ സം​സ്ഥാ​ന വൈ​ദ്യു​തി​വ​കു​പ്പ് 196 കോ​ടി രൂ​പ മു​ട​ക്കും. വീ​ടൊ​ന്നി​ന് ര​ണ്ട് മു​ത​ല്‍ മൂ​ന്ന് കി​ലോ​വാ​ട്ടി​ന്‍റെ സോ​ളാ​ര്‍ പാ​ന​ല്‍ സ്ഥാ​പി​ക്കു​മ്പോ​ള്‍ എ​ട്ട് യൂ​ണി​റ്റ് വൈ​ദ്യു​തി​വ​രെ ല​ഭി​ക്കും.

പാ​ല​ക്കാ​ട്, ഇ​ടു​ക്കി, വ​യ​നാ​ട്, എ​റ​ണാ​കു​ളം ജി​ല്ല​ക​ളി​ലെ 24 വി​ദൂ​ര ഊ​രു​ക​ളി​ലെ വീ​ടു​ക​ളി​ലാ​ണ് ഇ​ക്കൊ​ല്ലം പ​ദ്ധ​തി ന​ട​പ്പാ​ക്കു​ന്ന​ത്. കെ​എ​സ്ഇ​ബി ലൈ​നു​ക​ളും പോ​സ്റ്റും സ്ഥാ​പി​ച്ച് വൈ​ദ്യു​തി​യെ​ത്തി​ക്കു​ക അ​സാ​ധ്യ​മാ​യ വ​നാ​ന്ത​ര കോ​ള​നി​ക​ളി​ല്‍കേ​ന്ദ്ര-​സം​സ്ഥാ​ന സ​ര്‍ക്കാ​രു​ക​ള്‍ ചേ​ര്‍ന്നാ​ണ് സോ​ളാ​ര്‍ വെ​ളി​ച്ചം എ​ത്തി​ക്കു​ക.

വ​നാ​ന്ത​ര മേ​ഖ​ല​യി​ലെ പോ​സ്റ്റു​ക​ള്‍ മൃ​ഗ​ങ്ങ​ള്‍ കു​ത്തി​മ​റി​ക്കാ​നു​ള്ള സാ​ധ്യ​ത, ഷോ​ക്ക് ഏ​ല്‍ക്കാ​നു​ള്ള സാ​ഹ​ച​ര്യം, ലൈ​നു​ക​ളി​ലെ ത​ക​രാ​ര്‍ പ​രി​ഹ​രി​ക്കു​ന്ന​തി​ലെ പ​രി​മി​തി എ​ന്നി​വ​യും സൗ​രോ​ര്‍ജ വൈ​ദ്യു​തി​യു​ടെ സാ​ധ്യ​ത വ​ര്‍ധി​പ്പി​ക്കു​ന്നു.


നാ​ലു ജി​ല്ല​ക​ളി​ലെ ആ​ദി​വാ​സി വീ​ടു​ക​ളി​ല്‍ ന​ട​പ്പാ​ക്കു​ന്ന സൗ​രോ​ര്‍ജ പ​ദ്ധ​തി​യു​ടെ ശു​പാ​ര്‍ശ കേ​ന്ദ്ര​സ​ര്‍ക്കാ​രി​ന് ഈ ​മാ​സം സ​മ​ര്‍പ്പി​ക്കും. നി​ല​വി​ല്‍ പാ​ല​ക്കാ​ട്, മ​ല​പ്പു​റം ജി​ല്ല​ക​ളി​ലെ 98 ആ​ദി​വാ​സി വീ​ടു​ക​ളി​ല്‍ സൗ​രോ​ര്‍ജം എ​ത്തി​ക്കാ​നു​ള്ള ന​ട​പ​ടി​ക്ക് കേ​ന്ദ്രാ​നു​മ​തി ല​ഭി​ച്ചു.

2017ല്‍ ​കേ​ര​ളം ഇ​ന്ത്യ​യി​ലെ ആ​ദ്യ സ​മ്പൂ​ര്‍ണ വൈ​ദ്യു​തി​വ​ത്ക​ര​ണ സം​സ്ഥാ​ന​മാ​യ​പ്പോ​ഴും ഭൂ​രി​ഭാ​ഗം ആ​ദി​വാ​സി ഊ​രു​ക​ളും ഇ​രു​ട്ടി​ലാ​യി​രു​ന്നു. ഭൂ​ഗ​ര്‍ഭ​കേ​ബി​ളി​ലൂ​ടെ അ​ട്ട​പ്പാ​ടി​യി​ലെ ഏ​ഴ് വി​ദൂ​ര ആ​ദി​വാ​സി ഊ​രു​ക​ളി​ലെ 92 വീ​ടു​ക​ളി​ല്‍ വൈ​ദ്യു​തി​യെ​ത്തി​ക്കാ​ന്‍ വൈ​ദ്യു​തി ബോ​ര്‍ഡി​ന് 6.2 കോ​ടി രൂ​പ ചെ​ല​വു​ണ്ടാ​യി.

ക​ഴചി​ണ്ട​ക്കി​യി​ല്‍ നി​ന്ന് 15 കി​ലോ​മീ​റ്റ​ര്‍ കേ​ബി​ളി​ലൂ​ടെ​യാ​ണ് ക​ഴി​ഞ്ഞ വ​ര്‍ഷം മാ​ര്‍ച്ചി​ല്‍ 11 കി​ലോ​വാ​ട്ട് വൈ​ദ്യു​തി എ​ത്തി​ച്ച​ത്. ഈ ​സാ​ദ്ധ്യ​ത​പോ​ലു​മി​ല്ലാ​ത്ത ഊ​രു​ക​ളി​ലാ​ണ് സോ​ളാ​ര്‍ പാ​ന​ലു​ക​ള്‍ സ്ഥാ​പി​ച്ച് വൈ​ദ്യു​തി എ​ത്തി​ക്കു​ന്ന​ത്.