വിഷുവിനു മുന്പ് ഈ മാസത്തെ ക്ഷേമപെൻഷൻ
Saturday, April 5, 2025 3:05 AM IST
തിരുവനന്തപുരം: വിഷുവിനു മുന്പ് ഈ മാസത്തെ ക്ഷേമപെൻഷൻ വിതരണം ചെയ്യും. സാമൂഹിക സുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക് ഏപ്രിൽ മാസത്തെ പെൻഷനാണ് വിഷുവിനു മുന്പ് വിതരണം ചെയ്യുന്നത്. ഇതിനായി 820 കോടി രൂപ അനുവദിച്ചതായി മന്ത്രി കെ.എൻ. ബാലഗോപാൽ അറിയിച്ചു.
അടുത്ത ആഴ്ച പെൻഷൻ ലഭിച്ചുതുടങ്ങും. 26 ലക്ഷം പേർക്ക് ബാങ്ക് അക്കൗണ്ട് വഴി തുക എത്തും. മറ്റുള്ളവർക്ക് സഹകരണ ബാങ്ക് വഴി വീട്ടിലെത്തി പെൻഷൻ കൈമാറും.