തന്റെ കൂട്ടാളിയായ കൊച്ചി സ്വദേശിയെക്കുറിച്ചും ഇയാള് പോലീസിനു മൊഴി നല്കിയിട്ടുണ്ട്. അവയവ വില്പനയ്ക്കായുള്ള മനുഷ്യക്കടത്തിന് നെടുമ്പാശേരിയില് അടക്കം സഹായം ചെയ്തിരുന്നത് ഈ കൂട്ടാളിയാണ്. സംഘത്തിലെ മുഖ്യകണ്ണികളില് ഒരാളായ ഹൈദരാബാദിലെ ഡോക്ടറെ പിടികൂടാനുള്ള ശ്രമവും തുടരുകയാണ്. എറണാകുളം റൂറല് എസ്പിയുടെ നേതൃത്വത്തിലുള്ള പത്തംഗ പ്രത്യേക അന്വേഷണ സംഘം കസ്റ്റഡിയിലുള്ള പ്രതിയെ ചോദ്യം ചെയ്തുവരികയാണ്.
ഒരു അവയവക്കടത്തിന് ആറ് ലക്ഷം വരുമാനം സാബിത്തിന് ഒരു അവയവ ക്കടത്തിന് ആറു ലക്ഷം രൂപ വരെ ലഭിച്ചിരുന്നതായാണ് പോലീസിന്റെ നിഗമനം. എന്നാല്, തനിക്ക് ഇറാനില് താമസം, ഭക്ഷണം എന്നിവ തയാറാക്കുന്ന ജോലിയാണെന്നും വലിയ സാമ്പത്തിക നേട്ടം ലഭിച്ചിട്ടില്ലെന്നുമാണ് സാബിത്തിന്റെ വാദം. അവയവം നല്കാനായി ഇറാനിലെത്തിയ 20 പേരും ഇന്ത്യയിലേക്ക് തിരികെ വന്നിട്ടില്ലെന്നാണ് പോലീസ് കരുതുന്നത്.