സിപിഎം നോമിനിയായ എം. ശ്രീകുമാർ കോളജ് അധ്യാപകരുടെ സിപിഎം അനുകൂല സംഘടനയുടെ എകെപിസിടിഎ ഭാരവാഹിയായിരുന്നു. സിപിഐ പ്രതിനിധിയായ ടി.കെ. രാമകൃഷ്ണൻ തൃശൂർ കേരള വർമ കോളജിലെ മുൻ അധ്യാപകനാണ്.
പത്രപ്രവർത്തകനായ ഡോ. സോണിച്ചൻ പി. ജോസഫ് കേരള കോണ്ഗ്രസ്-എം പ്രതിനിധിയായാണ് പട്ടികയിൽ ഉൾപ്പെട്ടത്. മുഖ്യ വിവരാവകാശ കമ്മീഷണറായി മുൻ നിയമ സെക്രട്ടറി ഹരി വി. നായരെ തെരഞ്ഞെടുത്ത ശിപാർശ ഗവർണർ അംഗീകരിച്ചിരുന്നു.