പ്രമേഹം മൂര്ച്ഛിച്ചതിനെത്തുടര്ന്ന് അദ്ദേഹത്തിന്റെ ഇടതു കാല്പാദം മുറിച്ചുമാറ്റിയിരുന്നു. ഇടതുകാലിന് നേരത്തേ അപകടത്തില് പരിക്കേറ്റിരുന്നു. ചികിത്സ തുടരുന്നതിനിടെ കഴിഞ്ഞദിവസം ചേര്ന്ന സിപിഐ സംസ്ഥാന എക്സിക്യൂട്ടീവ് യോഗത്തില് ചികിത്സയ്ക്കായി അവധി അപേക്ഷ നല്കിയിരുന്നെങ്കിലും പകരം ചുമതല ആര്ക്കും നല്കിയിരുന്നില്ല.
മൂന്നുതവണ സിപിഐ സംസ്ഥാന സെക്രട്ടറിയായ കാനം സജീവ രാഷ്ട്രീയത്തിലേക്കു മടങ്ങിവരുമെന്ന് നേതാക്കളും മറ്റുള്ളവരും പ്രതീക്ഷിച്ചിരിക്കെയാണ് അപ്രതീക്ഷിത വേര്പാട്. ഭാര്യ: വനജ. മക്കള്: സന്ദീപ്, സ്മിത. മരുമക്കള്: താരാ സന്ദീപ്, വി. സര്വേശ്വരന്. 1950 നവംബര് പത്തിന് കോട്ടയം കാനത്ത് കൂട്ടിക്കലില് വി.കെ. പരമേശ്വരന് നായരുടെയും ചെല്ലമ്മയുടെയും മകനായാണു ജനനം.
1982 ല് വാഴൂരില്നിന്ന് നിയമസഭാംഗമായി. രണ്ടു തവണ വാഴൂര് മണ്ഡലത്തെ പ്രതിനിധീകരിച്ച് മികച്ച പാര്ലമെന്റേറിയന് എന്ന ഖ്യാതി നേടി.