സി.​ജി. ജി​ജാ​സ​ൽ

തൃ​ശൂ​ർ: ക്രി​സ്മ​സ്- പു​തു​വ​ത്സ​ര​കാ​ലം രു​ചി​വൈ​വി​ധ്യം സ​മ്മാ​നി​ക്കു​ന്ന കേ​ക്കു​ക​ളു​ടെ​യും കാ​ല​മാ​ണ്. പ്ലം ​കേ​ക്ക് മു​ത​ൽ ഫെ​റെ​റോ റോ​ച്ച​ർ കേ​ക്കു​ക​ൾ വ​രെ വി​പ​ണി​ക​ൾ സ​ജീ​വം. കാ​ല​മെ​ത്ര​പി​ന്നി​ട്ടാ​ലും ഒ​രി​ക്ക​ൽ പോ​ലും കാ​ലി​ട​റാ​തെ മു​ന്നോ​ട്ടു​കു​തി​ക്കു​ന്ന കേ​ക്ക് വി​പ​ണി​യി​ൽ നൊ​സ്റ്റാ​ൾ​ജി​യ ഉ​ണ​ർ​ത്തു​ന്ന പ്ലം ​കേ​ക്കു​ക​ൾ​ക്കു​ത​ന്നെ​യാ​ണ് ഈ ​വ​ർ​ഷ​വും ആ​വ​ശ്യ​ക്കാ​രേ​റെ. സാ​ധാ​ര​ണ​ക്കാ​ർ​ക്ക് താ​ങ്ങാ​വു​ന്ന വി​ല​യി​ൽ ആ​രം​ഭി​ക്കു​ന്ന ഇ​വ​യി​ൽ മാ​ജി​ക് പ്ലം, ​റി​ച്ച് പ്ലം, ​സ്കോ​ട്ടി​ഷ് പ്ലം, ​റം ആ​ൻ​ഡ് റൈ​സം പ്ലം ​തു​ട​ങ്ങി​യ രു​ചി​ഭേ​ദ​ങ്ങ​ൾ ഒ​രു​ക്കി​യാ​ണ് കേ​ക്ക് നി​ർ​മാ​താ​ക്ക​ൾ ക്രി​സ്മ​സ് വി​പ​ണി​യി​ലെ​ത്തു​ന്ന​ത്.

കി​ലോ​യ്ക്ക് 150 രൂ​പ മു​ത​ൽ ആ​രം​ഭി​ക്കു​ന്ന കേ​ക്ക് വി​പ​ണി​യി​ൽ ആ​യി​ര​ങ്ങ​ൾ വി​ല​മ​തി​ക്കു​ന്ന കേ​ക്കു​ക​ക​ൾ​ക്കും ഏ​റെ ആ​വ​ശ്യ​ക്കാ​രു​ണ്ട്. ക്രി​സ്മ​സ്-​പു​തു​വ​ത്സ​ര ആ​ഘോ​ഷ​ങ്ങ​ളു​ടെ ഭാ​ഗ​മാ​യി ഡി​സം​ബ​ർ ആ​ദ്യ​വാ​രം മു​ത​ൽ​ത​ന്നെ വീ​ടു​ക​ളി​ലും ഓ​ഫീ​സു​ക​ളി​ലും ആ​ഘോ​ഷ​പ​രി​പാ​ടി​ക​ളു​ടെ ഭാ​ഗ​മാ​കു​ന്ന​വ​രും കൈ​മാ​റു​ന്ന ഈ ​മ​ധു​രം പ്ര​ത്യേ​ക സ​ന്തോ​ഷ​മാ​ണ് ന​ൽ​കു​ന്ന​ത്. കി​ലോ​യ്ക്ക് 990 രൂ​പ വി​ല വ​രു​ന്ന ര​സ്മ​ലാ​യ്, സ്പാ​നി​ഷ് ഡി​ലൈ​റ്റ്, ക്ര​ഞ്ചി ബ​ട്ട​ർ​സ്കോ​ച്ച്, 850 മു​ത​ൽ 980 വ​രെ വി​ല​വ​രു​ന്ന വാ​ഞ്ചോ കേ​ക്കു​ക​ൾ, 1,300 രൂ​പ​യു​ള്ള ലോ​ട്ട​സ് ബി​സ്കോ​ഫ്, 1,490 രൂ​പ​വ​രു​ന്ന ഫെ​റെ​റോ റോ​ച്ച​ർ അ​ട​ക്കം വ്യ​ത്യ​സ്ത​വും വൈ​വി​ധ്യ​ങ്ങ​ളു​മാ​യ കേ​ക്കു​ക​ളും വി​പ​ണി​യി​ൽ ചൂ​ട​പ്പ​ങ്ങ​ളാ​ണ്.

മു​ൻ​കാ​ല​ങ്ങ​ളി​ൽ കാ​ർ​ട്ടൂ​ണ്‍ ക​ഥാ​പാ​ത്ര​ങ്ങ​ളും ഫ്രൂ​ട്ട്സും ഫു​ട്ബോ​ളും അ​ട​ക്കം വ്യ​ത്യ​സ്ത ഡി​സൈ​നു​ക​ളി​ൽ കേ​ക്കു​ക​ൾ വി​പ​ണി​യി​ലെ​ത്താ​റു​ണ്ട്. ഇ​പ്പോ​ൾ അ​ത്ത​രം കേ​ക്കു​ക​ൾ പ്ര​ത്യേ​കം ആ​വ​ശ്യ​പ്പെ​ട്ടെ​ങ്കി​ൽ മാ​ത്ര​മേ ബേ​ക്ക​റി​ക​ളി​ൽ ഒ​രു​ക്കു​ന്നു​ള്ളൂ. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് ഇ​ത്ത​വ​ണ തി​ര​ക്കു കൂ​ടു​ത​ലാ​ണെ​ന്നും ക​ച്ച​വ​ട​ക്കാ​ർ പ​റ​ഞ്ഞു.