പൊ​ൻ​കു​ന്നം: കി​ണ​ർ വൃ​ത്തി​യാ​ക്കി തി​രി​കെ ക​യ​റു​ന്ന​തി​നി​ടെ ഗൃഹനാഥൻ കി​ണ​റ്റി​ൽ വീ​ണ് മ​രി​ച്ചു. പൊ​ൻ​കു​ന്നം ഒ​ന്നാം മൈ​ൽ സ്വ​ദേ​ശി കു​ഴി​കോ​ടി​ൽ ജി​നോ ജോ​സ​ഫ് (47) ആ​ണ് മ​രി​ച്ച​ത്.

ഇ​ന്ന​ലെ ഉ​ച്ച​ക​ഴി​ഞ്ഞ് ര​ണ്ടി​നാ​ണ് അ​പ​ക​ടം. ജി​നോ​യു​ടെ കൂ​ടെ​യു​ണ്ടാ​യി​രു​ന്ന സ​ഹാ​യി ക​ട്ട​പ്പ​ന സ്വ​ദേ​ശി സ​നീ​ഷ് (40) നും ​ത​ല​യ്ക്ക് പ​രി​ക്കേ​റ്റി​ട്ടു​ണ്ട്.

പൊ​ൻ​കു​ന്നം അ​ര​വി​ന്ദ ആ​ശു​പ​ത്രി​ക്ക് സ​മീ​പം മൂ​ല​കു​ന്നി​ൽ കി​ണ​ർ വൃ​ത്തി​യാ​ക്കി​യ ശേ​ഷം തി​രി​കെ ക​യ​റു​ന്ന​തി​നി​ടെ കി​ണ​റി​ന്‍റെ കൈ​വ​രി​യി​ലെ തൂ​ൺ ഇ​ടി​ഞ്ഞ് ഇ​ദ്ദേ​ഹ​ത്തോ​ടൊ​പ്പം താ​ഴേ​ക്കു പ​തി​ക്കു​ക​യാ​യി​രു​ന്നു.

കി​ണ​റി​ന്‍റെ തൂ​ണി​ൽ കെ​ട്ടി​യ ക​യ​റു​വ​ഴി തി​രി​കെ ക​യ​റാ​ൻ ശ്ര​മി​ച്ച​താ​ണ് അ​പ​ക​ട​ത്തി​നി​ട​യാ​ക്കി​യ​ത്. മ​ണി​ക്കൂ​റു​ക​ളാ​യി പെ​യ്ത മ​ഴ​യി​ൽ ക​ട്ട​ക​ൾ കൊ​ണ്ട് കെ​ട്ടി​യ തൂ​ണ് കു​തി​ർ​ന്നി​രു​ന്ന​ത് ഒ​ടി​യു​വാ​ൻ കാ​ര​ണ​മാ​യി. തൂ​ണി​ന്‍റെ ഭാ​ഗ​ങ്ങ​ൾ സ​ഹാ​യി​യാ​യ സ​നീ​ഷി​ന്‍റെ​യും ദേ​ഹ​ത്തേ​ക്ക് വീ​ണു.


വീ​ഴ്ച​യു​ടെ ആ​ഘാ​ത​ത്തി​ൽ ഗു​രു​ത​ര​മാ​യി പ​രി​ക്കേ​റ്റ ജി​നോ​യെ കാ​ഞ്ഞി​ര​പ്പ​ള്ളി​യി​ൽനി​ന്ന് ഫ​യ​ർ​ഫോ​ഴ്സ് എ​ത്തി​യാ​ണ് പു​റ​ത്തെ​ത്തി​ച്ച​ത്. തു​ട​ർ​ന്ന് സ​മീ​പ​ത്ത് ത​ന്നെ​യു​ള്ള സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും മ​രി​ച്ചു. പ്ലം​ബിം​ഗ് ജീ​വ​ന​ക്കാ​ര​നാ​ണ് ജി​നോ.

ഭാ​ര്യ: ലി​ജി ജി​നോ (അ​ധ്യാ​പി​ക, പ​ടി​യ​റ പ​ബ്ലി​ക് സ്കൂ​ൾ മ​ണി​മ​ല). മ​ക്ക​ൾ: അ​ന്ന റോ​സ് (വി​ദ്യാ​ർ​ഥി, സെ​ന്‍റ് ആ​ന്‍റ​ണീ​സ് പ​ബ്ലി​ക് സ്കൂ​ൾ, ആ​ന​ക്ക​ല്ല്) മ​റി​യം, സെ​റ(​വി​ദ്യാ​ർ​ഥി​ക​ൾ, പ​ടി​യ​റ പ​ബ്ലി​ക് സ്കൂ​ൾ, മ​ണി​മ​ല).