പാലക്കാട്: കോയന്പത്തൂർ, പാലക്കാട്, തൃശൂർ, എറണാകുളം, ഇടുക്കി എന്നിവിടങ്ങളിലെ പ്രതിനിധികളുടെ പങ്കാളിത്തത്തോടെ റോട്ടറി ഡിസ്ട്രിക്ട് 3201 പാലക്കാട് കോസ്മോപോളിറ്റൻ ക്ലബ്ബ് സി ക്യൂബ് ഓഡിറ്റോറിയത്തിൽ സംഘടിപ്പിച്ച "പ്രഥമ്യ' ജില്ലാ സെമിനാർ ശ്രദ്ധേയമായി. പാലക്കാട്, പാലക്കാട് ഫോർട്ട്, പാലക്കാട് എയ്സ് എന്നീ റോട്ടറി ക്ലബ്ബുകൾ സംയുക്തമായി ആതിഥേയത്വം വഹിച്ച സെമിനാറിന് ചെയർമാൻ പി. സന്തോഷ്കുമാർ നേതൃത്വം നൽകി. ഡിസ്ട്രിക്ട് ഗവർണർ അഡ്വ. സുന്ദര വടിവേലു വിവിധ സാമൂഹ്യസേവന പരിപാടികളെക്കുറിച്ചു വിശദീകരിച്ചു. ജെസിഐ മുൻ ദേശീയ പ്രസിഡന്‍റും പരിശീലകനുമായ ഡോ.ജി. സുബ്രമണ്യൻ, അഭിനേതാവ് രാജേഷ് ഹെബ്ബാർ, റോട്ടറി ഡിസ്ട്രിക്ട് 3211 നിയുക്ത ഗവർണർ ഡോ. ടീന ആന്‍റണി എന്നിവർ പ്രസംഗിച്ചു. നർത്തകി വിനീത നെടുങ്ങാടി, ഗായകൻ പ്രണവം ശശി എന്നിവർ നൃത്ത, സംഗീത അവതരണങ്ങളിലൂടെ മാതൃശിശു പരിചരണം, പ്രകൃതിസംരക്ഷണം എന്നീ വിഷയങ്ങളവതരിപ്പിച്ചൂ. കണ്‍വീനർ രാജേഷ് പി. നായർ, ട്രഷറർ സി.ബി. രാംലാൽ, അസിസ്റ്റന്‍റ്് ഗവർണർമാരായ മുരളീധരൻ, പോളി ജോണ്, വി. സദാനന്ദൻ, അഡ്വ. വർഷ എസ്. കുമാർ, കെ.എസ്. രഘുനാഥ് എന്നിവർ പ്രസംഗിച്ചു. ഡിസ്ട്രിക്ട് ജനറൽ സെക്രട്ടറി എസ്. സുബ്രമണ്യം നന്ദി പറഞ്ഞു.