ആലത്തൂർ: ഓടിച്ചു പോയിരുന്ന മോപ്പഡ് വാഹനം റോഡിലെ കുഴിയിൽപെട്ട് മറിഞ്ഞ് ഗുരുതരമായി പരിക്കേറ്റ വയോധികൻ ചികിത്സയിലിരിക്കെ മരിച്ചു. കുനിശേരി പാറകുളം പി.എൻ. കൃഷ്ണൻകുട്ടി(67) ആണ് മരിച്ചത്.
കഴിഞ്ഞ തിങ്കളാഴ്ച രാവിലെ 11ഓടെയായിരുന്നു സംഭവം. നെന്മാറയിലെ സ്വകാര്യ ആശുപത്രിയിൽ ചികിത്സയിലായിരുന്നു. സംസ്കാരം ഇന്നു രാവിലെ ഒന്പതിന് തിരുവില്വാമല ഐവർമഠം ശ്മശാനത്തിൽ. ഭാര്യ: കണ്ണമ്മ. മക്കൾ: രാജേഷ്, പരേതയായ ശ്രീജ. മരുമകൻ: രജീഷ്.