പാലക്കാട്: ഡോഎ.പി.ജെ അബ്ദുല്‍കലാം ബാലപ്രതിഭാ പുരസ്‌കാരം ലിയാന്‍ സിറാജ് മന്ത്രി കടന്നപ്പള്ളി രാമചന്ദ്രനില്‍നിന്നും ഏറ്റുവാങ്ങി. കലാമിന്‍റെ ജന്മദിനത്തോടനുബന്ധിച്ചു തിരുവന്തപുരം മന്നം ഹാളില്‍ എ.പി.ജെ അബ്ദുല്‍കലാം സ്റ്റഡിസെന്‍റര്‍ സംഘടിപ്പിച്ച ചടങ്ങ് മന്ത്രി ശിവന്‍കുട്ടി ഉദ്ഘാടനം ചെയ്തു. ഐ.ബി. സതീഷ് എംഎല്‍എ അധ്യക്ഷത വഹിച്ചു.
ചീഫ് വിപ്പ് ഡോ. ജയരാജ്, മോന്‍സ് ജോസഫ് എംഎല്‍എ, രാജീവ്ഗാന്ധി സെന്‍റര്‍ ഫോര്‍ ബയോടെക്‌നോളജി ഡയറക്ടര്‍ ചന്ദ്രബോസ് നാരായണന്‍, നിംസ് എംഡി ഫൈസല്‍ഖാന്‍, സന്തോഷ് കാല, സ്റ്റഡി സെന്‍റര്‍ ഉപദേശക സമിതി ചെയര്‍മാന്‍ പി.എം. ഹുസൈന്‍ ജിഫ്രി തങ്ങള്‍, ഡയറക്ടര്‍ പൂവച്ചല്‍ സുധീര്‍, പിആര്‍ഒ അനുജ, ചീഫ് കോ- ഓര്‍ഡിനേറ്റര്‍ ടി.എസ്. നിത്യ എന്നിവർ പ്രസംഗിച്ചു. പാലക്കാട് ട്രൂ ലൈന്‍ പബ്ലിക് സ്‌കൂള്‍ വിദ്യാര്‍ഥിയായ ലിയാന്‍ സിറാജ് പുതിയ മാളിയേക്കല്‍ സയ്യിദ് സിറാജുദീന്‍റെയും അമീറ സിറാജിന്‍റെയും മകളാണ്.