ദീ​പാ​വ​ലി ആ​ഘോ​ഷ​ത്തി​നൊ​രു​ങ്ങി കി​ഴ​ക്ക​ൻ​മേ​ഖ​ലയിലെ ത​മി​ഴ്കു​ടും​ബ​ങ്ങ​ൾ
Sunday, October 20, 2024 2:44 AM IST
ചി​റ്റൂ​ർ: താ​ലൂ​ക്കി​ന്‍റെ കി​ഴ​ക്ക​ൻ പ്ര​ദേ​ശ​ങ്ങ​ളി​ൽ ത​മി​ഴ് കു​ടും​ബ​ങ്ങ​ളി​ൽ ദീ​പാ​വ​ലി ആ​ഘോ​ഷി​ക്കാ​ൻ ഒ​രു​ങ്ങി​ത്തു​ട​ങ്ങി.

വ​ട​ക​ര​പ്പ​തി, കൊ​ഴി​ഞ്ഞാ​മ്പാ​റ, എ​രു​ത്തേ​മ്പ​തി, ന​ല്ലേ​പ്പി​ള്ളി, പ​ട്ട​ഞ്ചേ​രി, മു​ത​ല​മ​ട ഉ​ൾ​പ്പെ​ടെ പ​ഞ്ചാ​യ​ത്തു പ്ര​ദേ​ശ​ങ്ങ​ളി​ലാ​ണ് കൂ​ടു​ത​ൽ ത​മി​ഴ്കു​ടും​ബ​ങ്ങ​ളു​ള്ള​ത്.

ഈ ​മാ​സം 31 നാ​ണ് ദീ​പാ​വ​ലി കൊ​ണ്ടാ​ടു​ന്ന​തെ​ങ്കി​ലും ഗ്രാ​മീ​ണ​കു​ടും​ബ​ങ്ങ​ളി​ൽ വീ​ടു​ശു​ചീ​ക​രി​ച്ച് വെ​ള്ള​പൂ​ശി ഒ​രു​ക്കം തു​ട​ങ്ങി​യി​ട്ടു​ണ്ട്.​ അ​ന്നേ ദി​വ​സം സൂ​ര്യോ​ദ​യ​ത്തി​നു മു​ൻ​പ് ത​ന്നെ കു​ടും​ബാം​ഗ​ങ്ങ​ളെ​ല്ലാം എ​ണ്ണ​തേ​യ്ച്ച് കു​ളി​ച്ച് ദേ​ഹ​ശു​ദ്ധി വ​രു​ത്തും.

പി​ന്നീ​ട് വീ​ട്ടി​ൽ ഇ​ഷ്ട​ദൈ​വ​ത്തി​നു മു​ന്നി​ൽ വ​യ്ക്കു​ന്ന വി​ള​ക്ക് വ​ന്ദി​ക്കും. കു​ടും​ബാം​ഗ​ങ്ങ​ളെ​ല്ലാം പു​തു​വ​സ്ത്ര​ങ്ങ​ൾ ധ​രി​ക്കും.


പി​ന്നീ​ട് മ​ല​യാ​ളി​ക​ൾ വി​ഷു​കൈനീ​ട്ടം ന​ൽ​കു​ന്ന​ത് പോ​ലെ വീ​ട്ടി​ലു​ള്ള​വ​ർ​ക്ക് മു​തി​ർന്ന​യാ​ൾ വെ​റ്റി​ല, ക​ളി​വെ​റ്റി​ല പ​ഴ​ത്തോ​ടൊ​പ്പം പ​ണ​വും കു​ടും​ബാം​ഗ​ങ്ങ​ൾ​ക്കു ന​ൽ​കും. ദീ​പാ​വ​ലി ആ​ഘോ​ഷ​ത്തി​ന്‍റെ പ്ര​ധാ​ന​ഘ​ട​ക​മാ​ണ് പ​ട​ക്കം​പൊ​ട്ടി​ക്ക​ൽ. ഇ​തി​നു ഏ​റെ ചെ​ല​വു​ള്ള​താ​ണ്.

സാ​ധാ​ര​ണ കു​ടും​ബ​ത്തി​ലു​ള്ള​വ​ർ​ത​ന്നെ 2000 രൂ​പ മു​ത​ൽ 5000 രൂ​പ​വ​രെ പ​ട​ക്ക​ത്തി​നാ​യി ചെ​ല​വ​ഴി​ക്കും.

മി​ക്ക വീ​ടു​ക​ളി​ലും മ​ധു​ര​പ​ല​ഹാ​രം ഉ​ണ്ടാ​ക്കി പ​ര​സ്പ​രം സ​മീ​പ​വാ​സി​ക​ൾ​ക്കു ന​ൽ​കു​ന്ന​തും പ​തി​വാ​ണ്.

ദി​പാ​വ​ലി​ക്ക് റി​ലീ​സ് ചി​ത്ര​ങ്ങ​ൾ കാ​ണു​ക​യെ​ന്ന​തും ത​മി​ഴ് വം​ശ​കു​ടും​ബ​ങ്ങ​ൾ കാ​ലാ​കാ​ല​മാ​യി ന​ട​ന്നു​വ​രു​ന്ന വി​നോ​ദ​മാ​ണ്.