വടക്കഞ്ചേരി: ഗുമസ്തൻ സിനിമയിൽ ഉൾപ്പെടെ പ്രധാന കഥാപാത്രങ്ങളായി തിളങ്ങുന്ന ഇടവകാംഗം ജെയ്സ് ജോസിനെ വടക്കഞ്ചേരി ലൂർദ് മാതാ ഫൊറോന പള്ളിയിൽ ഇടവകസമൂഹം അനുമോദിച്ചു. വികാരി ഫാ. റെജി പെരുമ്പിള്ളിൽ, കൈക്കാരന്മാരായ ജോസ് ചുക്കനാനിയിൽ, ജെയിംസ് പൂതക്കുഴി എന്നിവർ ചേർന്ന് ഷാൾ അണിയിച്ചായിരുന്നു അനുമോദനം.
ഗുമസ്തൻ സിനിമയിൽ കേന്ദ്ര കഥാപാത്രമാണ് ജെയ്സ് ജോസ്. വടക്കഞ്ചേരി, മംഗലംഡാം, പോത്തുണ്ടി, വാണിയംപാറ, ഏറ്റുമാനൂർ എന്നിവിടങ്ങളായിരുന്നു ഷൂട്ടിംഗ് ലൊക്കേഷനുകൾ. വടക്കഞ്ചേരി അഞ്ചുമൂർത്തിമംഗലം ഫയർസ്റ്റേഷനു സമീപം പള്ളിപ്പാടൻ ജോസിന്‍റെ മകനാണ്. ജെയ്സ് ജോസിന്‍റെ 12 വർഷത്തെ സിനിമാ ജീവിതത്തിലെ ഏറ്റവും നല്ല പ്രകടനമാണ് ഗുമസ്തൻ സിനിമയിൽ ചെയ്തിട്ടുളളത്.