ഒ​രി​ക്ക​ൽ​കൂ​ടി മു​ഹ​മ്മ​ദ് ഇ​സാ​മും മു​ഹ​മ്മ​ദ് റോ​ഷ​നും സ്കൂ​ൾ​ഗേ​റ്റ് ക​ട​ന്നെ​ത്തി, ആം​ബു​ല​ൻ​സി​ൽ...
Sunday, October 20, 2024 2:44 AM IST
വ​ട​ക്ക​ഞ്ചേ​രി: ഓ​ടി​ച്ചാ​ടി കു​സൃ​തി​കാ​ട്ടി ന​ട​ന്നി​രു​ന്ന മു​ഹ​മ്മ​ദ് ഇ​സാ​മും മു​ഹ​മ്മ​ദ് റോ​ഷ​നും ഒ​രി​ക്ക​ൽ​ക്കൂ​ടി സ്കൂ​ൾ​ഗേ​റ്റ് ക​ട​ന്നു​വ​ന്നു. സ​ഹ​പാ​ഠി​ക​ളോ​ടും അ​ധ്യാ​പ​ക​രോ​ടും യാ​ത്ര​ചോ​ദി​ക്കാ​ൻ. പി​ന്നെ അ​വ​ർ ര​ണ്ടു​പേ​രും​പോ​യി, നി​ത്യ​ത​യി​ലേ​ക്ക്.

വെ​ള്ളി​യാ​ഴ്ച ഉ​ച്ച​യ്ക്കു ദേ​ശീ​യ​പാ​ത പ​ന്ത​ലാം​പാ​ടം നീ​ലി​പാ​റ​യി​ൽ 24 ന്യൂ​സ്ചാ​ന​ൽ​സം​ഘം സ​ഞ്ച​രി​ച്ച കാ​റി​ടി​ച്ചാ​ണു അ​ഞ്ചുമൂ​ർ​ത്തി​മം​ഗ​ലം ചോ​ഴി​യം​കാ​ട് അ​ഷ​റ​ഫ​ലി​യു​ടെ മ​ക​ൻ മു​ഹ​മ്മ​ദ് റോ​ഷ​ൻ (15), വ​ട​ക്ക​ഞ്ചേ​രി നാ​യ​ർ​കു​ന്ന് കൈ​ത​പ്പാ​ടം വ​ലി​യവീ​ട്ടി​ൽ ഇ​ക്ബാ​ലി​ൻ്റെ മ​ക​ൻ മു​ഹ​മ്മ​ദ് ഇ​സാം (15) എ​ന്നീ വി​ദ്യാ​ർ​ഥി​ക​ൾ മ​രി​ച്ച​ത്. പ​ന്ത​ലാം​പാ​ടം മേ​രി​മാ​ത ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​ത്താം ക്ലാ​സ് സി ​ഡി​വി​ഷ​നി​ലെ വി​ദ്യാ​ർ​ഥി​ക​ളാ​ണ് ഇ​രു​വ​രും.

ഇ​ന്ന​ലെ ഉ​ച്ച​യ്ക്ക് പ​ന്ത്ര​ണ്ട​ര​യോ​ടെ​യാ​ണ് പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്കുശേ​ഷം തൃ​ശൂ​രി​ൽനി​ന്നും മൃ​ത​ദേ​ഹ​ങ്ങ​ൾ പൊ​തു​ദ​ർ​ശ​ന​ത്തി​നാ​യി സ്കൂ​ളി​ലെ ഓ​ഡി​റ്റോ​റി​യ​ത്തി​ൽ കൊ​ണ്ടു​വ​ന്ന​ത്.
ദേ​ശീ​യ​പാ​ത​യി​ൽനി​ന്നും ഗേ​റ്റു​ക​ട​ന്ന് ആം​ബു​ല​ൻ​സു​ക​ൾ ഓ​ഡി​റ്റോ​റി​യ​ത്തി​നുമു​ന്നി​ൽ എ​ത്തി​യ​തോ​ടെ സ​ഹ​പാ​ഠി​ക​ളും അ​ധ്യാ​പ​ക​രും നാ​ട്ടു​കാ​രു​മാ​യി തി​ങ്ങി​നി​റ​ഞ്ഞ വ​ലി​യ ഓ​ഡി​റ്റോ​റി​യം നി​ശ​ബ്ദ​മാ​യി. ഒ​തു​ക്കി​പ്പി​ടി​ച്ചി​രു​ന്ന തേ​ങ്ങ​ലു​ക​ളും സ​ങ്ക​ട​ങ്ങ​ളും വി​ലാ​പ​ങ്ങ​ളി​ലേ​ക്കു വ​ഴി​മാ​റി.

അ​വ​ധി​യാ​യി​രു​ന്നി​ട്ടും സ്കൂ​ളി​ലെ മു​ഴു​വ​ൻ കു​ട്ടി​ക​ളും ര​ണ്ടു​മ​ണി​ക്കൂ​ർമു​ന്നേ ത​ങ്ങ​ളു​ടെ പ്രി​യ​പ്പെ​ട്ട കൂ​ട്ടു​കാ​ർക്കു യാ​ത്രാ​മൊ​ഴി​യേ​കാ​ൻ സ്കൂ​ളി​ലെ​ത്തി​യി​രു​ന്നു.


സ്കൂ​ൾ മാ​നേ​ജ​ർ ഫാ. ​ജോ​ബി കാ​ച്ച​പ്പ​ള്ളി, പ്ര​ധാ​നാ​ധ്യാ​പി​ക ജോ​ളി ടീ​ച്ച​ർ, ക്ലാ​സ് ടീ​ച്ച​ർ ജി​ന്‍റോ, പി​ടി​എ പ്ര​സി​ഡ​ന്‍റ് വേ​ലാ​യു​ധ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ പൊ​തുദ​ർ​ശ​ന​ത്തി​നു​ള്ള ക്ര​മീ​ക​ര​ണ​ങ്ങ​ളെ​ല്ലാം നേ​രത്തേത​ന്നെ ന​ട​ത്തി​യി​രു​ന്നു. മ​ത​പ​ര​മാ​യ പ്രാ​ർ​ഥ​ന​യ്ക്കു​ ശേ​ഷ​മാ​യി​രു​ന്നു പൊ​തു​ദ​ർ​ശ​നം.

മു​ൻ​മ​ന്ത്രി​മാ​രാ​യ കെ.​ഇ. ഇ​സ്മ​യി​ൽ, വി.​സി. ക​ബീ​ർ മാ​സ്റ്റ​ർ, ആ​ല​ത്തൂ​ർ ത​ഹ​സി​ൽ​ദാ​ർ, പോ​ലീ​സ് ഉ​ദ്യോ​ഗ​സ്ഥ​ർ തു​ട​ങ്ങി​യ​വ​ർ എ​ത്തി​യി​രു​ന്നു.

മു​ക്കാ​ൽ​മ​ണി​ക്കൂ​റോ​ളം പൊ​തു​ദ​ർ​ശ​ന​ത്തി​നു​വ​ച്ച മൃ​ത​ദേ​ഹ​ങ്ങ​ൾ പി​ന്നീ​ട് അ​ഞ്ചു​മൂ​ർ​ത്തി മം​ഗ​ലം ചോ​ഴി​യം​കാ​ടും വ​ട​ക്ക​ഞ്ചേ​രി നാ​യ​ർ​ക്കു​ന്ന് കൈ​ത​പ്പാ​ട​ത്തു​മു​ള്ള അ​വ​ര​വ​രു​ടെ വീ​ടു​ക​ളി​ലേ​ക്കു കൊ​ണ്ടു​പോ​യി. സ്വ​പ്ന​ങ്ങ​ളൊ​ക്കെ​യും വീ​ണു​ട​ഞ്ഞ​തി​ന്‍റെ ആ​ഘാ​ത​ത്തി​ലാ​യി​രു​ന്നു ഇ​സാ​മി​ന്‍റെ​യും റോ​ഷ​ന്‍റെ​യും മാ​താ​പി​താ​ക്ക​ൾ.

ഇ​സാ​മി​ന്‍റെ പ​തി​ന​ഞ്ചാം ജ​ന്മ​ദി​ന​ത്തി​ലാ​യി​രു​ന്നു മ​ര​ണ​വും. സ്കൂ​ൾ​വി​ട്ടു​വ​രു​ന്ന ഇ​സാ​മി​നു സ​ർ​പ്രൈ​സ് ഗി​ഫ്റ്റ് ഒ​രു​ക്കി കാ​ത്തി​രു​ന്ന വീ​ട്ടി​ലേ​ക്ക് ചേ​ത​ന​യ​റ്റ ഇ​സാം എ​ത്തി​യ​പ്പോ​ൾ വേ​ദ​ന​ക​ൾ കൂ​ട്ട​ക്ക​ര​ച്ചി​ലാ​യി. മൃ​ത​ദേ​ഹ​ങ്ങ​ൾ വൈ​കീ​ട്ടോ​ടെ അ​വ​ര​വ​രു​ടെ വീ​ടു​ക​ൾ​ക്ക​ടു​ത്തു​ള്ള ക​ബ​ർ​സ്ഥാ​നി​ൽ ക​ബ​റ​ട​ക്കി.