കാ​ട്ടു​പ​ന്നി ബൈക്കിനു കു​റു​കെ​ച്ചാ​ടി; യാ​ത്രി​ക​നു ഗു​രു​ത​രപ​രി​ക്ക്
Monday, October 21, 2024 2:17 AM IST
മ​ല​മ്പു​ഴ: കാ​ട്ടു​പ​ന്നി കു​റു​കെ​ച്ചാ​ടി ബൈ​ക്കു​മ​റി‌​ഞ്ഞു യാ​ത്രി​ക​ർ​ക്കു പ​രി​ക്ക്. ഗു​രു​ത​ര​മാ​യി പ​രി​ക്കേ​റ്റ​യാ​ൾ ജി​ല്ലാ ആ​ശു​പ​ത്രി​യി​ൽ ചി​കി​ത്സ​തേ​ടി.

ഇ​ന്ന​ലെ രാ​വി​ലെ എ​ട്ടോ​ടെ മ​ല​മ്പു​ഴ എ​സ്പി ലൈ​ൻ മ​ധു​ര വീ​ര​ൻ അ​മ്പ​ല​ത്തി​നു മു​ന്നി​ലാ​ണു സം​ഭ​വം. തൊ​ഴി​ലാ​ളി​ക​ളാ​യ കാ​ഞ്ഞി​ര​ക്ക​ട​വ് സ്വ​ദേ​ശി​ഷൈ​ജു​വും മ​ല​മ്പു​ഴ കൈ​ര​ളി ന​ഗ​ർ ശ്രീ​വ​ത്സം അ​പ്പാ​ർ​ട്ടു​മെ​ന്‍റി​ലെ പ​റ​മ്പു​കാ​ട്ടി​ൽ സു​രേ​ഷ് എ​ന്നി​വ​രാ​ണ് അ​പ​ക​ട​ത്തി​ൽ​പെ​ട്ട​ത്.
രാ​വി​ലെ ജോ​ലി​ക്കു പോ​കു​മ്പോ​ഴാ​യി​രു​ന്നു സം​ഭ​വം. കാ​ട്ടു​പ​ന്നി​യി​ടി​ച്ച് വീ​ണ ബൈ​ക്കി​ൽ നി​ന്നും പു​റ​കി​ലി​രു​ന്ന സു​രേ​ഷ് തെ​റി​ച്ചു​വീ​ഴു​ക​യാ​യി​രു​ന്നു.

പ​ന്നി​യു​ടെ കാ​ലു​ക​ൾ ബൈ​ക്കി​ന്‍റെ മു​ൻ​ച​ക്ര​ത്തി​ൽ കു​ടു​ങ്ങി​യ​താ​യി സു​രേ​ഷ് പ​റ​ഞ്ഞു. അ​പ​ക​ട​സ​മ​യ​ത്ത് അ​തു​വ​ഴി​വ​ന്ന ഓ​ട്ടോ ഡ്രൈ​വ​ർ പ​ര​മ​നാ​ണു അ​പ​ക​ട​ത്തി​ൽ​പെ​ട്ട​വ​രെ പാ​ല​ക്കാ​ട് ജി​ല്ലാ ആ​ശൂ​പ​ത്രി​യി​ൽ എ​ത്തി​ച്ച​ത്.


ഞാ​യ​റാ​ഴ്ച്ച ഒ​പി ഇ​ല്ലാ​ത്ത​തി​നാ​ൽ പ്രാ​ഥ​മി​ക ശ്രു​ശ്രൂ​ഷ​ന​ൽ​കി പ​റ​ഞ്ഞ​യ​ച്ച​താ​യി സു​രേ​ഷി​ന്‍റെ ഭാ​ര്യ ഗീ​ത പ​റ​ഞ്ഞു. ത​ല​യി​ൽ പ​ത്തോ​ളം തു​ന്ന​ലു​ണ്ടെ​ന്നും തോ​ളെ​ല്ലു പൊ​ട്ടി​യ​താ​യി അ​റി​യാ​ൻ ക​ഴി​ഞ്ഞെ​ന്നും അ​വ​ർ പ​റ​ഞ്ഞു.

തി​ങ്ക​ളാ​ഴ്ച്ച വീ​ണ്ടും ആ​ശു​പ​ത്രി​യി​ൽ​ചെ​ന്ന് വി​ശ​ദ​മാ​യ പ​രി​ശോ​ധ​ന ന​ട​ത്താ​ൻ നി​ർ​ദ്ദേ​ശി​ച്ചി​ട്ടു​ണ്ടെ​ന്നും പ​റ​ഞ്ഞു. വ​നം​വ​കു​പ്പി​നെ വി​വ​രം അ​റി​യി​ച്ചി​ട്ടു​ണ്ടെ​ന്നും അ​വ​ർ കൂ​ട്ടി​ച്ചേ​ർ​ത്തു.
മാ​സ​ങ്ങ​ൾ​ക്കു​മു​മ്പ് ഇ​തേ സ്ഥ​ല​ത്ത് പ​ന്നി​യി​ടി​ച്ച് ഓ​ട്ടോ മ​റി​ഞ്ഞി​ട്ടു​ണ്ടെ​ന്നും ഈ ​പ്ര​ദേ​ശ​ത്തെ രൂ​ക്ഷ​മാ​യ പ​ന്നി​ശ​ല്യ​ത്തി​നു ശാ​ശ്വ​ത പ​രി​ഹാ​രം കാ​ണ​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.