കോയമ്പത്തൂർ: കാരമടയിലും പരിസര പ്രദേശങ്ങളിലും യുവാവ് ലോറി ബാറ്ററികൾ മോഷ്ടിക്കുന്നതിന്റെ സിസി ടിവി ദൃശ്യങ്ങൾ പുറത്ത്. രാമനാഥപുരം സ്വദേശി ഹരിഹരസുതൻ എന്ന മോഷ്ടാവിനെ അറസ്റ്റുചെയ്തു.
കോയമ്പത്തൂരിലെ കാരമടയിലും പരിസര പ്രദേശങ്ങളിലും പകൽസമയത്ത് റോഡരികിൽ നിർത്തിയിട്ടിരിക്കുന്ന ട്രക്കുകളിലെ ബാറ്ററികൾ മോഷണം പോകുന്നതു പതിവായിയിരുന്നു. ഈ സാഹചര്യത്തിൽ ലോറി ഉടമകൾ കാരമട പോലീസ് സ്റ്റേഷനിൽ പരാതി നൽകിയതിനെ തുടർന്ന് ഡെപ്യൂട്ടി പോലീസ് സൂപ്രണ്ട് ബാലാജി ഉത്തര, കാരമട പോലീസ് ഇൻസ്പെക്ടർ ജ്ഞാനശേഖർ, പോലീസ് അസിസ്റ്റന്റ് ഇൻസ്പെക്ടർ രാജേഷ് കുമാർ, ക്രൈംബ്രാഞ്ച് കോൺസ്റ്റബിൾ രാമമൂർത്തി എന്നിവരെത്തി സിസിടിവി ക്യാമറകൾ പരിശോധിച്ചു. ഇതിനെ തുടർന്നാണ് മോഷ്ടാവ് ഹരിഹരസുതനാണെന്നു തിരിച്ചറിഞ്ഞത്.