"വി​ള​യോ​ടിയിലെ ഗ​താ​ഗ​ത​ക്കുരു​ക്കി​നു പ​രി​ഹാ​ര​മാ​യി നി​ർ​ദി​ഷ്ട ബൈ​പാ​സ് യാ​ഥാ​ർ​ഥ്യ​മാ​ക്ക​ണം'
Monday, October 21, 2024 2:17 AM IST
വ​ണ്ടി​ത്താ​വ​ളം: വി​ള​യോ​ടി റോ​ഡി​ലെ വാ​ഹ​ന​ക്കു​രു​ക്കി​നു പ​രി​ഹാ​ര​മി​ല്ലാ​തെ യാ​ത്ര​ക്കാ​ർ വ​ല​യു​ന്നു. വീ​തി​കു​റ​ഞ്ഞ റോ​ഡി​ൽ വാ​ഹ​ന​ങ്ങ​ൾ പ്ര​ധാ​ന പാ​ത​യി​ലേ​ക്കു ക​യ​റി​വ​രു​മ്പോ​ൾ ഇ​റ​ങ്ങി​പ്പോ​വു​ന്ന വാ​ഹ​ന​ങ്ങ​ൾ​ക്കു മ​റി​ക​ട​ക്കാ​ൻ സ്ഥ​ല​മി​ല്ലാ​ത്ത​താ​ണു ഗ​താ​ഗ​ത​ത​ട​സം പ​തി​വാ​ക്കു​ന്ന​ത്.

ഇ​രു​വ​ശ​ത്തും വ്യാ​പാ​ര​സ്ഥാ​പ​ന​ങ്ങ​ൾ കൂ​ടു​ത​ലാ​യു​ള്ള​തി​നാ​ൽ വാ​ഹ​ന​ങ്ങ​ൾ അ​രി​കു​ചേ​ർ​ന്നു​പോ​വാ​നും ക​ഴി​യാ​ത്ത സാ​ഹ​ച​ര്യ​മു​ണ്ട്.

അ​ടു​ത്തി​ടെ സ്വ​കാ​ര്യ​ബ​സ് പ്ര​ധാ​ന പാ​ത​യി​ലേ​ക്കു ക​യ​റി​വ​രു​ന്ന​തി​നി​ടെ യ​ന്ത്ര​ത​ക​രാ​റു​ണ്ടാ​യി നാ​ലു​മ​ണി​ക്കൂ​ർ സ​ഞ്ചാ​ര​ത​ട​സ​മാ​യി​ട്ടു​ണ്ട്.


കൂ​ടാ​തെ ബ​സ് കാ​ത്തു​നി​ന്ന വ​യോ​ധി​ക​ൻ കാ​റി​ടി​ച്ചു സം​ഭ​വ​സ്ഥ​ല​ത്തു ത​ന്നെ മ​ര​ണ​പ്പെ​ട്ട​തു​ൾ​പ്പെ​ട നി​ര​വ​ധി അ​പ​ക​ട​ങ്ങ​ളും ഈ ​സ്ഥ​ല​ത്തു ന​ട​ന്നി​ട്ടു​ണ്ട്.

ഗ​താ​ഗ​ത​ത​ട​സം രൂ​ക്ഷ​മാ​യ​തോ​ടെ പൊ​തു​മ​രാ​മ​ത്ത് വ​കു​പ്പ് അ​ര​കി​ലോ​മീ​റ്റ​ർ ദൈ​ർ​ഘ്യ​ത്തി​ൽ ര​ണ്ട് ബൈ​പാ​സു​ക​ൾ നി​ർ​മി​ക്കാ​ൻ തീ​രു​മാ​നി​ച്ച് പ്രാ​ഥ​മി​ക സ​ർ​വേ​ക​ളും പൂ​ർ​ത്തി​യാ​ക്കി​യി​രു​ന്നു.

പി​ന്നീ​ട് സ​ർ​ക്കാ​രി​ന്‍റെ സാ​മ്പ​ത്തി​ക പ്ര​ശ്നം ചു​ണ്ടി​ക്കാ​ട്ടി ബൈ​പാ​സ് നി​ർ​മാ​ണം നീ​ണ്ടു​പോ​വു​ക​യാ​ണ്.