ഒരു വട്ടംകൂടി അവര്‍ ഒത്തുചേര്‍ന്നു; അര നൂറ്റാണ്ടിനുശേഷം
1545731
Sunday, April 27, 2025 4:01 AM IST
കടനാട്: സെന്‍റ് സെബാസ്റ്റ്യന്‍സ് ഹൈസ്‌കൂളിലെ 1975 വര്‍ഷത്തെ 71 പൂര്‍വവിദ്യാര്‍ഥികള്‍ സുവര്‍ണജൂബിലി സ്മരണകളുമായി ഒത്തുചേര്‍ന്നു. എംജി യൂണിവേഴ്സിറ്റി മുന്‍ വൈസ് ചാന്‍സലര്‍ ഡോ. സാബു തോമസ് ജൂബിലി സമ്മേളനം ഉദ്ഘാടനം ചെയ്തു.
മാനേജര്‍ ഫാ. ജോസഫ് പാനാമ്പുഴ, ജില്ലാ പഞ്ചായത്ത് മെംബർ രാജേഷ് വാളിപ്ലാക്കല്‍, പഞ്ചായത്ത് പ്രസിഡന്‍റ് ജിജി തമ്പി, മെംബര്‍ ഉഷാ രാജു, ഹെഡ്മാസ്റ്റര്‍ സജി തോമസ് എന്നിവര്‍ പ്രസംഗിച്ചു. കാവ്യകേളി, ഗാനമേള, കലാകായിക മത്സരങ്ങള്‍ എന്നിവയില്‍ ഏവരും വാശിയോടെ പങ്കെടുത്തു. ബേബി ഉറുമ്പുകാട്ട്, ജോസ് പൂവേലില്‍, തങ്കച്ചന്‍ കുന്നുംപുറം, ഇഗ്‌നേഷ്യസ് തയ്യില്‍, ജെസിയമ്മ മുളകുന്നം, എലിസബത്ത് പുതിയിടം, സലിം പുത്തന്‍പുരയില്‍ എന്നിവര്‍ നേതൃത്വം നൽകി.