ചേ​ര്‍​ത്ത​ല: നാ​ല​ര​വ​യ​സു​കാ​രി​ക്കു നേ​രേ ലൈം​ഗി​കാ​തി​ക്ര​മം ന​ട​ത്തി​യെ​ന്ന കേ​സി​ല്‍ പി​താ​വി​ന് 18 വ​ര്‍​ഷം ത​ട​വും ഒ​ന്ന​ര​ല​ക്ഷം പി​ഴ​യും ശി​ക്ഷ. ചേ​ര്‍​ത്ത​ല പാ​ണാ​വ​ള്ളി പ​ഞ്ചാ​യ​ത്ത് ര​ണ്ടാം വാ​ര്‍​ഡിൽ‍ വാ​ട​കയ്ക്കു താ​മ​സി​ച്ചി​രു​ന്ന ഫോ​ര്‍​ട്ടു​കൊച്ചി തു​രു​ത്തി​വെ​ളി കോ​ള​നി സ്വദേശി യായ യുവാവിനെ​യാ​ണ് ചേ​ര്‍​ത്ത​ല പ്ര​ത്യേ​ക അ​തി​വേ​ഗ പോ​ക്‌​സോ ​കോ​ട​തി ജ​ഡ്ജി കെ.​എം. വാ​ണി ശി​ക്ഷി​ച്ച് ഉ​ത്ത​ര​വാ​യ​ത്.

2022 ഓ​ഗ​സ്റ്റ് അ​ഞ്ചി​ന് പൂ​ച്ചാ​ക്ക​ല്‍ പോ​ലീ​സാ​ണ് കേ​സ് ര​ജി​സ്റ്റ​ര്‍ ചെ​യ്ത​ത്. അ​മ്മ ജോ​ലി​ക്കു പോ​യ സ​മ​യം കു​ട്ടി​യെ സ്‌​കൂ​ളി​ല്‍നി​ന്നു വി​ളി​ച്ചു​കൊ​ണ്ടു​വ​ന്ന് ഉ​പ​ദ്ര​വി​ക്കു​ക​യാ​യി​രു​ന്നു. പി​ന്നീ​ട് കു​ട്ടി​യി​ല്‍നി​ന്നു കാ​ര്യ​ങ്ങ​ള്‍ മ​ന​സി​ലാ​ക്കി​യ അ​മ്മ​യു​ടെ പ​രാ​തി​യി​ലാ​ണ് കേ​സെ​ടു​ത്ത​ത്. മൂ​ന്നു വ​കു​പ്പു​ക​ളി​ലാ​യി ആ​റു​വ​ര്‍​ഷം വീ​തം ത​ട​വും 50,000 പി​ഴ​യുമാണ് വി​ധി​ച്ച​ത്.

സ​ബ് ഇ​ന്‍​സ്പ​ക്ട​ര്‍ കെ.​ജെ. ജേ​ക്ക​ബി​ന്‍റെ നേ​തൃ​ത്വ​ത്തി​ല്‍ ന​ട​ന്ന അ​ന്വേ​ഷ​ണ​ത്തി​ല്‍ പോ​ലീ​സ് ഇ​ന്‍​സ്പ​ക്ട​ര്‍ എം.​ അ​ജ​യ​മോ​ഹ​നാ​ണ് കു​റ്റ​പ​ത്രം സ​മ​ര്‍​പ്പി​ച്ച​ത്.