ക​ടു​ത്തു​രു​ത്തി: വാ​ട്ട​ര്‍ അ​ഥോ​റി​റ്റി​ക്ക് പൈ​പ്പ് ഇ​ടു​ന്ന​തി​നു​വേ​ണ്ടി വി​ട്ടു​കൊ​ടു​ത്ത ക​ടു​ത്തു​രു​ത്തി - പി​റ​വം റോ​ഡി​ലെ ക​ടു​ത്തു​രു​ത്തി കൈ​ലാ​സ​പു​രം ക്ഷേ​ത്രം മു​ത​ല്‍ അ​റു​നൂ​റ്റി​മം​ഗ​ലം ജം​ഗ്ഷ​ന്‍ വ​രെ​യു​ള്ള മെ​യി​ന്‍ റോ​ഡ് റീ ​ടാ​റിം​ഗ് ന​ട​ത്തു​ന്ന​തി​നു​ള്ള ഫ​യ​ലു​ക​ള്‍ പ​രി​ശോ​ധി​ച്ച് തീ​ര്‍​പ്പാ​ക്കി​യ​തി​ന്‍റെ അ​ടി​സ്ഥാ​ന​ത്തി​ല്‍ ബി​എം ആ​ന്‍​ഡ് ബി​സി ടാ​റിം​ഗ് ന​ട​പ്പാ​ക്കു​ന്ന​തി​ന് 5.48 കോ​ടി രൂ​പ​യു​ടെ സാ​ങ്കേ​തി​ക അ​നു​മ​തി ഉ​ത്ത​ര​വ് പു​റ​പ്പെ​ടു​വി​ച്ചു.

ക​ടു​ത്തു​രു​ത്തി - പി​റ​വം റോ​ഡ് പു​ന​രു​ദ്ധ​രി​ക്കു​ന്ന​തി​ന് വാ​ട്ട​ര്‍ അ​ഥോ​റി​റ്റി ഡെ​പ്പോ​സി​റ്റ് ചെ​യ്ത 2.67 കോ​ടി രൂ​പ​യും പൊ​തു​മ​രാ​മ​ത്ത് വ​കു​പ്പ് റീ ​ടാ​റിം​ഗി​നു​വേ​ണ്ടി നേ​ര​ത്തേ അ​നു​വ​ദി​ച്ചി​രു​ന്ന ശ​ബ​രി​മ​ല പാ​ക്കേ​ജ് ഫ​ണ്ടി​ല്‍ നി​ന്നു മാ​റ്റിവ​ച്ചി​ട്ടു​ള്ള 2.81 കോ​ടി രൂ​പ​യും സം​യു​ക്ത​മാ​യി ഉ​ള്‍​പ്പെ​ടു​ത്തി​യാ​ണ് 5.48 കോ​ടി രൂ​പ​യു​ടെ ടെ​ക്നി​ക്ക​ല്‍ സാ​ംഗ്‌ഷന്‍ ഉ​ത്ത​ര​വ് ന​ല്‍​കി​യി​രി​ക്കു​ന്ന​ത്.

ആ​ദ്യ​ഘ​ട്ട​ത്തി​ല്‍ സാ​ങ്കേ​തി​കാ​നു​മ​തി ന​ല്‍​കി​യ 18 ല​ക്ഷം രൂ​പ വി​നി​യോ​ഗി​ച്ച് കൈ​ലാ​സ​പു​രം ക്ഷേ​ത്ര​ഭാ​ഗ​ത്ത് സ്ഥി​ര​മാ​യി ഉ​ണ്ടാ​കുന്ന വെ​ള്ള​ക്കെ​ട്ട് പ്ര​ശ്നം പ​രി​ഹ​രി​ക്കാ​ന്‍ ക​ലു​ങ്ക് നി​ര്‍​മാ​ണ​വും ഇ​തി​ന്‍റെ തു​ട​ര്‍​ച്ച​യാ​യി ടൈ​ല്‍ വി​രി​ക്കു​ന്ന ജോ​ലി​ക​ളും ന​ട​പ്പാ​ക്കു​ന്ന​തി​നു​ള്ള അ​നു​മ​തി​യും ചീ​ഫ് എ​ന്‍​ജി​നിയ​ര്‍ ന​ല്‍​കി​യി​ട്ടു​ണ്ട്.

ഏ​പ്രി​ല്‍ ഒ​ന്നു മു​ത​ല്‍ സ​ര്‍​ക്കാ​ര്‍ പ്രാ​ബ​ല്യ​ത്തി​ലാ​ക്കി​യി​രി​ക്കു​ന്ന നി​ര​ക്കു​ക​ള്‍ പു​തു​ക്കി നി​ശ്ച​യി​ച്ചുകൊ​ണ്ടു​ള്ള ഉ​ത്ത​ര​വു​മാ​യി ബ​ന്ധ​പ്പെ​ട്ട സാ​ങ്കേ​തി​ക പ്ര​ശ്ന​ങ്ങ​ള്‍​ക്ക് പ്ര​ത്യേ​ക ഇ​ള​വ് ന​ല്‍​കി​യാ​ണ് ടെ​ക്നി​ക്ക​ല്‍ സാം​ഗ്ഷ​ന്‍ ന​ല്‍​കി​യി​ട്ടു​ള്ള​ത്. അ​ടു​ത്ത 15 ദി​വ​സ​ത്തി​നു​ള്ളി​ല്‍ ടെ​ന്‍​ഡ​ര്‍ ന​ട​പ​ടി​ക​ള്‍ ന​ട​പ്പാ​ക്കു​ന്ന​തി​നാ​ണ് ല​ക്ഷ്യ​മി​ട്ടി​രി​ക്കു​ന്ന​തെ​ന്ന് മോ​ന്‍​സ് ജോ​സ​ഫ് എംഎൽഎ അ​റി​യി​ച്ചു.