കടു​ത്തു​രു​ത്തി: ആ​ചാ​ര അ​നു​ഷ്ഠാ​ന​ങ്ങ​ളോ​ടെ​യും പാ​ര​മ്പ​ര്യ​ത്ത​നി​മ​യോ​ടെ​യും ന​ട​ന്ന കീ​ഴൂ​ര്‍ വ​ലി​യ​പാ​ന കാ​ണാ​ന്‍ ആ​യി​ര​ങ്ങ​ളെ​ത്തി. കീ​ഴൂ​ര്‍ ഭ​ഗ​വ​തീ ക്ഷേ​ത്ര​ത്തി​ലെ പ്ര​ധാ​ന ച​ട​ങ്ങാ​യ വ​ലി​യ​പാ​ന ഗ്രാ​മ​ത്തി​ന്‍റെ ഉ​ത്സ​വ​മാ​യാ​ണ് ആ​ച​രി​ക്കു​ന്ന​ത്. ഇ​ന്ന​ലെ ഉ​ച്ച​യ്ക്കു 12ന് ​ഉ​ച്ച​പൂ​ജ​യ്ക്കു​ശേ​ഷം 700 കി​ലോ അ​രി​യു​ടെ പാ​ന​ക്ക​ഞ്ഞി വി​ള​മ്പി. പാ​ന​യോ​ളം പേ​രു​കേ​ട്ട പാ​ന​ക്ക​ഞ്ഞി കു​ടി​ക്കാ​ന്‍ വ​ന്‍​പു​രു​ഷാ​ര​മാ​ണ് ദൂ​ര​ദേ​ശ​ങ്ങ​ളി​ല്‍​നി​ന്നു​പോ​ലും എ​ത്തി​യ​ത്. തു​ട​ര്‍​ന്ന് വ​ലി​യ​പാ​ന തു​ട​ങ്ങി.

പാ​ന​യു​ടെ ഐ​തി​ഹ്യം ഇ​ങ്ങ​നെ​യാ​ണ്: ദേ​വ​ലോ​ക​ത്തി​ലും, ഭൂ​മി​യി​ലും ദാ​രി​കാ-​ദാ​ന​വേ​ന്ദ്ര​ന്മാ​രു​ടെ ഉ​പ​ദ്ര​വം സ​ഹി​ക്ക​വ​യ്യാ​തെവ​ന്ന​പ്പോ​ള്‍ ശി​വ​നി​ല്‍​നി​ന്നു ഭ​ദ്ര​കാ​ളി ഉ​ട​ലെ​ടു​ത്തു. ദാ​രി​കാ നി​ഗ്ര​ഹ​ത്തി​നാ​യി പോ​കു​ന്ന ഭ​ദ്ര​കാ​ളി​യു​ടെ പ​ട​യാ​ളി​ക​ളാ​ണ് പാ​ന​ക്കാ​ര്‍ എ​ന്നാ​ണ് സ​ങ്ക​ല്‍​പം.

12 ദി​വ​സ​ത്തെ വ്രതം നോ​റ്റെ​ത്തു​ന്ന പാ​ന​ക്കാ​രെ ദീ​പ​ധൂപ​ങ്ങ​ള്‍​ക്കൊ​ണ്ടു​ഴി​ഞ്ഞ് അ​രി​യെ​റി​ഞ്ഞ് കാ​ളി-​ദാ​രി​ക യു​ദ്ധ​ത്തി​ന്‍റെ പ​ട​യാ​ളി​ക​ളാ​യി വാ​ഴി​ക്കും. തു​ട​ര്‍​ന്ന് ദേ​വി ദാ​രി​കാ നി​ഗ്ര​ഹ​ത്തി​ന് പ​ട​യാ​ളി​ക​ളോ​ടൊ​പ്പം പു​റ​പ്പെ​ടു​ക​യും ക​ര്‍​മ​നി​ര്‍​വ​ഹ​ണം ന​ട​ത്തു​ക​യും ചെ​യ്ത​തി​ന്‍റെ അ​നു​സ്മ​ര​ണ​മാ​ണ് കീ​ഴൂ​രി​ലെ പാ​നച്ച​ട​ങ്ങ്.

പ്ര​ത്യേ​ക​രീ​തി​യി​ല്‍ ഉ​ടു​ത്തുകെ​ട്ടി ത​ല​പ്പാ​വ​ണി​ഞ്ഞ് പ്ര​ത്യേ​ക ചു​വ​ടു​ക​ളോ​ടെ​യാ​ണ് പാ​ന തു​ള്ളു​ന്ന​ത്. വി​ഷു​ദി​നം​മു​ത​ല്‍ വൃ​ത​മ​നു​ഷ്ഠി​ച്ച കീ​ഴൂ​ര്‍, മാ​ന്നാ​ര്‍, വെ​ള്ളാ​ശേ​രി, പൂ​ഴി​ക്കോ​ല്‍ എ​ന്നീ ക​ര​ക​ളി​ല്‍നി​ന്നു​ള്ള പു​രു​ഷ​ന്മാ​രാ​ണ് പാ​ന​തു​ള്ള​ലി​ല്‍ പ​ങ്കെ​ടു​ത്ത പാ​ന​യു​ണ്ണി​ക​ള്‍. ചെ​ത്തി​മി​നു​ക്കി​യ പാ​ല​ക്ക​മ്പിന്‍റെ മു​ക​ള്‍​ഭാ​ഗ​ത്ത് ദ്വാ​ര​മു​ണ്ടാ​ക്കി പൂ​ക്കു​ല തി​രു​കി​വച്ചു​ള്ള പാ​ന​ക്കു​റ്റി​യാ​ണ് ഇ​വ​ര്‍ ആ​യു​ധ​മാ​യി ഉ​പ​യോ​ഗി​ച്ച​ത്.

വൈ​കുന്നേ​രം ഇ​ളം​പാ​ന​യ്ക്കു​ശേ​ഷം ഒ​റ്റ​ത്തൂ​ക്ക​വും രാ​ത്രി ക​ലാ​പ​രി​പാ​ടി​ക​ളും ഗ​രു​ഡ​ന്‍​തൂ​ക്ക​വും ന​ട​ന്നു. ഇ​ന്ന് ഉ​ച്ച​യോ​ടെ ന​ട​ക്കു​ന്ന കു​രു​തി​യോ​ടെ പാ​ന​യു​ടെ ച​ട​ങ്ങു​ക​ള്‍ സ​മാ​പി​ക്കും.