ക​ണ്ണൂ​ർ: സ്ഥ​ലം കാ​ണി​ച്ചു​ത​രാ​മെ​ന്ന് പ​റ​ഞ്ഞ് കൂ​ട്ടി​ക്കൊ​ണ്ടു​പോ​യി വ​യോ​ധി​ക​ന്‍റെ കാ​റും പ​ണ​വും ത​ട്ടി​യെ​ടു​ത്ത കേ​സി​ൽ നാ​ലു​പേ​ർ അ​റ​സ്റ്റി​ൽ. കാ​ട്ടാ​ന്പ​ള്ളി സ്വ​ദേ​ശി പി.​ടി. റ​ഹീം, സൂ​ര​ജ്, അ​ജി​നാ​സ്, റ​സാ​ക്ക് എ​ന്നി​വ​രെ​യാ​ണ് വ​ള​പ​ട്ട​ണം പോ​ലീ​സ് അ​റ​സ്റ്റ് ചെ​യ്ത​ത്. തി​ങ്ക​ളാ​ഴ്ച രാ​വി​ലെ 10.30 തോ​ടെ​യാ​ണ് കേ​സി​നാ​സ്പ​ദ​മാ​യ സം​ഭ​വം. ചേ​ടി​ച്ചേ​രി സ്വ​ദേ​ശി കെ.​പി. ഹം​സ​യു​ടെ(64) പ​രാ​തി​യി​ലാ​ണ് പോ​ലീ​സ് കേ​സെ​ടു​ത്ത​ത്. ചി​റ​ക്ക​ലി​ൽ സ്ഥ​ലം കാ​ണി​ച്ച് ത​രാ​മെ​ന്ന് പ​റ​ഞ്ഞ് ഒ​ന്നാം പ്ര​തി​യാ​യ റ​ഹീം പ​രാ​തി​ക്കാ​ര​നെ കൂ​ട്ടി​ക്കൊ​ണ്ടു​പോ​കു​ക​യാ​യി​രു​ന്നു.

തു​ട​ർ​ന്ന് ചി​റ​ക്ക​ലി​ൽ എ​ത്തി​യ​പ്പോ​ൾ മൂ​ന്നു​പേ​ർ കൂ​ടെ വ​രി​ക​യും ത​ട​ഞ്ഞു​വ​ച്ച് വ​യോ​ധി​ക​നെ അ​ടി​ച്ച് പ​രി​ക്കേ​ൽ​പ്പി​ക്കു​ക​യാ​യി​രു​ന്നു. പ​രാ​തി​ക്കാ​ര​ന്‍റെ 5.5 ല​ക്ഷം രൂ​പ വി​ല വ​രു​ന്ന കെ​എ​ൽ 79 5888 ന​ന്പ​ർ കാ​റും കാ​റി​ന്‍റെ ഡാ​ഷ്ബോ​ർ​ഡി​ൽ സൂ​ക്ഷി​ച്ച 2,66,000 രൂ​പ​യും 1,65,000 രൂ​പ വി​ല വ​രു​ന്ന റാ​ഡോ വാ​ച്ചും പ്ര​തി​ക​ൾ ത​ട്ടി​യെ​ടു​ത്തു. തു​ട​ർ​ന്ന് വ​യോ​ധി​ക​നെ ഭീ​ഷ​ണി​പ്പെ​ടു​ത്തി വ​ഴി​യി​ൽ ഉ​പേ​ക്ഷി​ച്ച് ര​ക്ഷ​പ്പെ​ടു​ക​യാ​യി​രു​ന്നു. ഹം​സ​യു​ടെ പ​രാ​തി​യി​ൽ കേ​സെ​ടു​ത്ത വ​ള​പ​ട്ട​ണം പോ​ലീ​സ് പ്ര​തി​ക​ളെ പി​ടി​കൂ​ടു​ക​യാ​യി​രു​ന്നു.