മാനന്തവാടി: പേര്യ ചുരം റോഡ് ആക്ഷൻ കമ്മിറ്റിയുടെ നേതൃത്വത്തിൽ ബോയ്സ് ടൗണിൽ റോഡ് ഉപരോധിച്ചു. ചുരം റോഡ് നിർമാണം കുറ്റമറ്റും വേഗത്തിലും പൂർത്തിയാക്കണമെന്ന് ആവശ്യപ്പെട്ടായിരുന്നു സമരം. രാവിലെ 9.30ന് ആരംഭിച്ച ഉപരോധം 10ന് അവസാനിപ്പിച്ചു. സിപിഎം ഏരിയ സെക്രട്ടറി പി.ടി. ബിജു ഉദ്ഘാടനം ചെയ്തു. തവിഞ്ഞാൽ പഞ്ചായത്ത് പ്രസിഡന്റ് എൽസി ജോയി അധ്യക്ഷത വഹിച്ചു. വൈസ് പ്രസിഡന്റ് ജോസ് പാറക്കൽ, മുൻ മന്ത്രി പി.കെ. ജയലക്ഷ്മി, എം.ജി. ബിജു, ബാബു ഷജിൽകുമാർ എന്നിവർ പ്രസംഗിച്ചു.