സുൽത്താൻ ബത്തേരി: സുൽത്താൻ ബത്തേരി സെന്‍റ് മേരീസ് കോളജ് ഗ്രൗണ്ടിൽ സബ്ജൂണിയർ, ജൂണിയർ, സീനിയർ ആണ്‍, പെണ്‍ വിഭാഗങ്ങളിലായി ജില്ലാ സൈക്കിൾ പോളോ ചാന്പ്യൻഷിപ് സംഘടിപ്പിച്ചു. ചാന്പ്യൻഷിപ്പിന്‍റെ ഉദ്ഘാടനം സെന്‍റ് മേരീസ് കോളജ് റെസിഡന്‍റ് മാനേജർ ജോണ് മത്തായി നൂറനാൽ നിർവഹിച്ചു. അസോസിയേഷൻ പ്രസിഡന്‍റ് സി.പി. സുധീഷ് അധ്യക്ഷത വഹിച്ചു. സത്താർ വിൽട്ടണ്‍ മുഖ്യാഥിതി ആയിരുന്നു. കെവിവിഎസ് യൂത്ത് വിംഗ് ജില്ലാ പ്രസിഡന്‍റ് പി. സംഷാദ് നാഷണൽ കായിക താരങ്ങളെ ആദരിച്ചു. അസോസിയേഷൻ സെക്രട്ടറി എൻ.സി. സാജിദ്, സി.കെ. ഷമീർ, കെ.വി. ഹരീഷ്, ഡോ. സരിൽ വർഗീസ്, ടി. നവാസ് എന്നിവർ പ്രസംഗിച്ചു. ഇരുപതോളം ടീമുകൾ പങ്കെടുത്ത ചാന്പ്യൻഷിപ്പിൽ നിന്നും തൊടുപുഴയിൽ നടക്കുന്ന സംസ്ഥാന ചാന്പ്യൻഷിപ്പിലേക്കുള്ള ജില്ലാ ടീമിനെ തെരഞ്ഞെടുത്തു.