രാ​ത്രിയിൽ ബ​ത്തേ​രി ടൗൺ അ​ത്ര ഹാ​പ്പി​യ​ല്ല
Tuesday, October 22, 2024 1:14 AM IST
സു​ൽ​ത്താ​ൻ ബ​ത്തേ​രി: സു​ന്ദ​ര-​സ​ന്തോ​ഷ ന​ഗ​ര​മെ​ന്നാ​ണ് ബ​ത്തേ​രി​ക്കു ഖ്യാ​തി.

പ​ക​ൽ ന​ഗ​ര​ത്തി​ലെ​ത്തു​ന്ന​വ​ർ വൃ​ത്തി​യു​ള്ള റോ​ഡും പീ​ടി​ക വ​രാ​ന്ത​ര​ക​ളും വ​ഴി​യോ​ര​ത്തെ കൈ​വ​രി​ക​ളി​ൽ ച​ട്ടി​ക​ളി​ൽ പു​ഞ്ചി​രി തൂ​കു​ന്ന പൂ​ക്ക​ളും ക​ണ്ട് വി​സ്മ​യി​ക്കും. പ​ക്ഷേ, രാ​ത്രി ന​ഗ​രം അ​ത്ര​യ്ക്കു സു​ന്ദ​ര​മോ സ​ന്തോ​ഷം നി​റ​ഞ്ഞ​തോ അ​ല്ല. രാ​ത്രി ക​ട​ക​ൾ അ​ട​ച്ചു​ക​ഴി​ഞ്ഞാ​ൽ ന​ഗ​രം ഏ​റ​ക്കു​റെ ഇ​രു​ട്ടി​ലാ​ണ്. ചു​രു​ക്കം സ്ഥ​ല​ങ്ങ​ളി​ലാ​ണ് ഹൈ​മാ​സ്റ്റ്-​തെ​രു​വ് വി​ള​ക്കു​ക​ൾ പ്ര​കാ​ശം പൊ​ഴി​ക്കു​ന്ന​ത്. രാ​ത്രി വൈ​കി ന​ഗ​ര​ത്തി​ൽ ബ​സി​റ​ങ്ങു​ന്ന​വ​ർ ഇ​രു​ട്ടി​ൽ ത​പ്പി​ത്ത​ട​യേ​ണ്ട സ്ഥി​തി​യാ​ണ്. പ്രാ​ഥ​മി​ക ആ​വ​ശ്യ​ങ്ങ​ൾ നി​റ​വേ​റ്റാ​ൻ സൗ​ക​ര്യ​മി​ല്ലാ​ത്ത​തും അ​വ​ർ​ക്ക് അ​ലോ​സ​ര​മാ​കു​ക​യാ​ണ്. ന​ഗ​ര​ത്തി​ൽ ചി​ല​യി​ട​ങ്ങ​ളി​ൽ സ്ഥാ​പ​ന​ങ്ങ​ളു​ടെ പേ​ര് പേ​റു​ന്ന ബോ​ർ​ഡു​ക​ളി​ൽ​നി​ന്നു​ള്ള വെ​ളി​ച്ച​മാ​ണ് യാ​ത്ര​ക്കാ​ർ​ക്ക് ആ​ശ്ര​യം. വ​നാ​തി​ർ​ത്തി​യി​ലു​ള്ള കെ​എ​സ്ആ​ർ​ടി​സി ഡി​പ്പോ പ​രി​സ​രം സ​ന്ധ്യ​മ​യ​ങ്ങു​ന്ന​തോ​ടെ പൂ​ർ​ണ​മാ​യും ഇ​രു​ട്ടി​ലാ​ണ്. മി​നി സി​വി​ൽ സ്റ്റേ​ഷ​നും ഡി​പ്പോ​യ്ക്കു​മി​ടി​യി​ൽ പ്ര​കാ​ശി​ക്കു​ന്ന ഒ​രു വി​ള​ക്കു​പോ​ലും ഇ​ല്ല. വ​ർ​ഷ​ങ്ങ​ൾ മു​ന്പ് സ്ഥാ​പി​ച്ച ഹൈ​മാ​സ്റ്റ് ലൈ​റ്റ് ക​ണ്ണ​ട​ച്ചി​ട്ടു കാ​ല​മേ​റെ​യാ​യി.


ട്രാ​ഫി​ക് ജം​ഗ്ഷ​ൻ മു​ത​ൽ ചു​ങ്കം ഷോ​പ്പിം​ഗ് കോം​പ്ല​ക്സ് വ​രെ​യും ന​ഗ​ര​സ​ഭാ ഓ​ഫീ​സ് പ​രി​സ​രം മു​ത​ൽ അ​സം​പ്ഷ​ൻ ജം​ഗ്ഷ​ൻ വ​രെ​യും രാ​ത്രി വെ​ളി​ച്ച സൗ​ക​ര്യം ഇ​ല്ല. രാ​ജീ​വ് ഗാ​ന്ധി മി​നി ബൈ​പാ​സ്, ചു​ള്ളി​യോ​ട് റോ​ഡ് എ​ന്നി​വി​ട​ങ്ങ​ളി​ലും ക​ട​ക​ൾ അ​ട​യ്ക്കു​ന്ന​തോ​ടെ അ​ന്ധ​കാ​ര​ത്തി​ലാ​കും. പ​ഴ​യ ബ​സ് സ്റ്റാ​ൻ​ഡി​ലും ആ​വ​ശ്യ​ത്തി​ന് വെ​ളി​ച്ച​മി​ല്ല. ഇ​വി​ട​ങ്ങ​ളി​ൽ സാ​മൂ​ഹി​ക വി​രു​ദ്ധ​രു​ടെ ശ​ല്യ​വും കൂ​ടു​ത​ലാ​ണ്. രാ​ത്രി ന​ഗ​ര​ത്തി​ൽ എ​ത്തു​ന്ന യാ​ത്ര​ക്കാ​ർ പ്രാ​ഥ​മി​ക ആ​വ​ശ്യം നി​റ​വേ​റ്റു​ന്ന​തി​ന് പെ​ട്രോ​ൾ ബ​ങ്കു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടാ​ണ്. പ​ഴ​യ ബ​സ്‌​സ്റ്റാ​ൻ​ഡി​ലും ന​ഗ​ര​സ​ഭാ കാ​ര്യാ​ല​യ​ത്തി​നു സ​മീ​പ​വും ഉ​ള്ള ശൗ​ചാ​ല​യ​ങ്ങ​ൾ രാ​ത്രി തു​റ​ക്കാ​ൻ സം​വി​ധാ​ന​മി​ല്ല.