കൽപ്പറ്റ: സാമൂഹിക ഐകൃദാർഢ്യ പക്ഷാചരണം സമാപന പരിപാടിയുടെ ഭാഗമായി ജില്ലാ പട്ടികവർഗ വികസന വകുപ്പിന്റെ നേതൃത്വത്തിൽ ജില്ലയിലെ ഊര് മൂപ്പൻമാർ, എസ്സി, എസ്ടി പ്രമോട്ടർമാർ എന്നിവർക്കായി പട്ടികവർഗ വികസനവും തൊഴിലവസരങ്ങളും എന്ന വിഷയത്തിൽ സെമിനാർ സംഘടിപ്പിച്ചു.
ഐകൃദാർഢ്യ പക്ഷാചരണം സമാപന പരിപാടിയിൽ തൃശിലേരി പി.കെ. കാളൻ ഗോത്രകലാകേന്ദ്ര ഗദ്ദിക അവതരിപ്പിച്ചു. ദേശീയ ഗ്രാമീണ തൊഴിലുറപ്പ് വിഭാഗം ജോയിന്റ് പ്രോഗ്രാം കോ ഓർഡിനേറ്റർ പി.സി. മജീദ്, മാനന്തവാടി ബ്ലോക്ക് പഞ്ചായത്ത് അക്രഡിറ്റഡ് എൻജിനിയർ കാവ്യ, ജില്ലാ വ്യവസായ കേന്ദ്രം സംരംഭകത്വ വികസന ഓഫീസർ നിഖിൽ, എംപ്ലോയ്മെന്റ് ഓഫീസർ എ.കെ. മുജീബ്, ഗ്രാമീണ സ്വയം തൊഴിൽ പരിശീലന കേന്ദ്രം പ്രതിനിധി ജിബിൻ, കണിയാന്പറ്റ ട്രൈബൽ എക്സ്റ്റൻഷൻ ഓഫീസർ കെ.എൻ. സുനിൽ എന്നിവർ വിവിധ വിഷയങ്ങളിൽ സംസാരിച്ചു. കൽപ്പറ്റ സേക്രഡ് ഹാർട്ട് പാരിഷ് ഹാളിൽ നടന്ന പരിപാടിയിൽ ഐടിഡിപി പ്രോജക്ട് ഓഫീസർ ജി. പ്രമോദ്, ജില്ലാ പട്ടികജാതി വികസന വകുപ്പ് ഓഫീസർ മനോഹരൻ, ശുചിത്വമിഷൻ അസിസ്റ്റന്റ് കോഓർഡിനേറ്റർ റഹീം ഫൈസൽ, മാനന്തവാടി, സുൽത്താൻ ബത്തേരി ട്രൈബൽ ഡെവലപ്മെന്റ് ഓഫീസർമാരായ അയ്യപ്പൻ, എം. മജീദ്, ഉദ്യോഗസ്ഥർ, വകുപ്പ് ജീവനക്കാർ എന്നിവർ പ്രസംഗിച്ചു.