കൽപ്പറ്റ: ഫാറൂഖ് കോളജ് പൂർവവിദ്യാർഥി സംഘടന(ഫോസ)വയനാട് ചാപ്റ്ററിന്‍റെ ആഭിമുഖ്യത്തിൽ മാനസികാരോഗ്യ ബോധവത്കരണം നടത്തി.
ഫോസ സെൻട്രൽ കമ്മിറ്റി ജനറൽ സെക്രട്ടറി ഡോ. യൂസഫലി ഉദ്ഘാടനം ചെയ്തു. വയനാട് ചാപ്റ്റർ പ്രസിഡന്‍റ് എം. മുഹമ്മദ് അധ്യക്ഷത വഹിച്ചു. ഇന്ത്യൻ സൈക്യാട്രി സൊസൈറ്റി കേരള സെക്രട്ടറി ഡോ. അനീസ് അലി മുഖ്യപ്രഭാഷണം നടത്തി. സെൻട്രൽ കമ്മിറ്റി ജോയിന്റ് സെക്രട്ടറി സി.പി. അബ്ദുൾ സലാം, വി.എ. മജീദ്, അഡ്വ. എം.സി.എം. ജമാൽ, അഡ്വ. കാതിരി അബ്ദുൾ റഹ്‌മാൻ, കടവൻ മൊയിൻ, ഡോ. സ്വയ നാസർ, കാക്കവയൽ ജിഎച്ച്എസ്എസ് ഹെഡ്മാസ്റ്റർ സുനിൽകുമാർ, കെ. ഷാഹിന എന്നിവർ പ്രസംഗിച്ചു. ഡോ.പി. നൗഷാദ് സ്വാഗതവും സി.കെ. സിറാജുദ്ദീൻ നന്ദിയും പറഞ്ഞു.