കൽപ്പറ്റ: വൈത്തിരി താലൂക്ക് ലൈബ്രറി കൗണ്സിൽ വനിതകൾക്ക് വായനാമത്സരം നടത്തി. താലൂക്കിലെ ലൈബ്രറികളിൽ നടത്തിയ മത്സരത്തിൽ വിജയിച്ച 50 പേർ പങ്കെടുത്തു.
ജില്ലാ ലൈബ്രറി ഹാളിൽ ലൈബ്രറി കൗണ്സിൽ ജില്ലാ വൈസ് പ്രസിഡന്റ് കെ. വിശാലാക്ഷി ഉദ്ഘാടനം ചെയ്തു. എ.കെ. മത്തായി അധ്യക്ഷത വഹിച്ചു. താലൂക്ക് ലൈബ്രറി കൗണ്സിൽ സെക്രട്ടറി സി.എം. സുമേഷ്, എക്സിക്യുട്ടീവ് കമ്മിറ്റി അംഗങ്ങളായ പി.കെ. അച്യുതൻ, ഒ.വി. സുധീർ എന്നിവർ പ്രസംഗിച്ചു. ആദ്യ 10 സ്ഥാനം നേടി നവംബർ ഒൻപതിലെ ജില്ലാതല മത്സരത്തിന് യോഗ്യത നേടിയവർ: ജാക്വിലിൻ ഫെർണാണ്ടസ് (ടിആർവി ഗ്രന്ഥശാല, എടഗുനി), ഷാഹിന ഹംസ (ജെവികെ ഗ്രന്ഥശാല, തളിമല), സി.ആർ. രേഷ്മ (പ്രസര ലൈബ്രറി, പടിഞ്ഞാറത്തറ), പി.ജി. ലത(കെകെജി ഗന്ഥശാല, ബാങ്കുകുന്ന്), ബി. പദ്മാവതി(നവോദയ ഗ്രന്ഥശാല, കന്പളക്കാട്), കെ. സിതാര(ദർശന ലൈബ്രറി, ചീക്കല്ലൂർ), വിനീത ജോസഫ് (ഉദയ ലൈബ്രറി, മാടക്കുന്ന്), ഇ. സബിത(പൊതുജന ഗ്രന്ഥാലയം, കോട്ടത്തറ), ജസിത സനോജ് (ഗ്രാമചൈതന്യ ഗ്രന്ഥാലയം, വാളൽ), മേരി ജോർജ് (ഉദയ ലൈബ്രറി, മാടക്കുന്ന്).