കൽപ്പറ്റ: മുണ്ടക്കൈ, വെള്ളാർമല വിദ്യാലയങ്ങളിലേക്ക് കേരള ഉർദു ടീച്ചേഴ്സ് അസോസിയേഷൻ സംസ്ഥാന കമ്മിറ്റി പഠനോപകരണങ്ങൾ വിതരണം ചെയ്തു.
ജില്ലാ കളക്ടർ ഡി.ആർ. മേഘശ്രീ വെള്ളാർമല വൊക്കേഷണൽ ഹയർസെക്കൻഡറി സ്കൂൾ അധ്യാപകൻ ഉണ്ണിക്ക് പഠനോപകരണങ്ങൾ കൈമാറി. ജില്ലാ കളക്ടറുടെ ചേംബറിൽ നടന്ന പരിപാടിയിൽ വിദ്യാഭ്യാസ ഓഫീസർ ആർ. ശരത്ചന്ദ്രൻ, കേരള ഉർദു ടീച്ചേഴ്സ് അസോസിയേഷൻ സംസ്ഥാന ജനറൽ സെക്രട്ടറി സലാം മലയമ്മ, സംസ്ഥാന ട്രഷറർ ടി.എ. റഷീദ് പന്തല്ലൂർ, സംസ്ഥാന ഭാരവാഹികളായ നജീബ് മണ്ണാർ, എം.പി. സത്താർ അരയങ്കോട്, എം.പി. റഷീദ് ശ്രീകണ്ഠപുരം, എം. അഫ്സൽ, ജാസിൽ വേങ്ങര എന്നിവർ സംബന്ധിച്ചു.