കൽപ്പറ്റ: മരവയൽ ജില്ലാ സ്റ്റേഡിയത്തിൽ 23, 24, 25 തീയതികളിൽ നടക്കുന്ന ജില്ലാ റവന്യു സ്കൂൾ ഒളിംപിക്സിന്റെ ലോഗോ ജില്ലാ കളക്ടർ ഡി.ആർ. മേഘശ്രീ പ്രകാശനം ചെയ്തു. ബത്തേരി അസംഷൻ സ്കൂളിലെ പത്താം ക്ലാസ് വിദ്യാർഥി കെ. മുഹമ്മദ് മുഹ്സിനാണ് ലോഗോ രൂപകൽപന ചെയ്തത്.
ജില്ലാ കളക്ടറുടെ ചേംബറിൽ നടന്ന ലോഗോ പ്രകാശനത്തിൽ കണ്വീനർ സാവിയോ ഓസ്റ്റിൻ, ജനറൽ കണ്വീനർ കൂടിയായ വിദ്യാഭ്യാസ ഉപ ഡയറക്ടർ വി.എ. ശശീന്ദ്രവ്യാസ്, പ്രിൻസിപ്പൽ എം.പി. കൃഷ്ണകുമാർ, പബ്ലിസിറ്റി കണ്വീനർ എം. നാസർ, ജോയിന്റ് കണ്വീനർമാരായ കെ. ഷാജി, കെ.ആർ. ബിനീഷ് എന്നിവർ പങ്കെടുത്തു.