വടുവൻചാൽ: വയനാട് പാർലമെന്റ് മണ്ഡലം ഉപതെരഞ്ഞെടുപ്പിൽ മത്സരിക്കുന്ന ഐഐസിസി ജനറൽ സെക്രട്ടറി പ്രിയങ്ക ഗാന്ധിക്ക് വോട്ട് അഭ്യർഥിച്ച് കോണ്ഗ്രസ് മൂപ്പൈനാട് മണ്ഡലം കമ്മിറ്റിയുടെ നേതൃത്വത്തിൽ സ്ഥാനാർഥിയുടെ ചിത്രമുള്ള പ്ലക്കാർഡുകൾ ഏന്തി ടൗണിൽ പ്രകടനം നടത്തി.
പ്രസിഡന്റ് ജഷീർ പള്ളിവയൽ, വി. എൻ. ശശീന്ദ്രൻ, കണ്ടത്തിൽ ജോസ്, പി.വി. വേണുഗോപാൽ, മുഹമ്മദ് ബാവ, നാരായണ് കോളേരി,ദീപ ശശികുമാർ, വിജയൻ കല്ലികണി, പി. ഇസ്മയിൽ, കെ. ഷംസുദ്ദീൻ എന്നിവർ നേതൃത്വം നൽകി.