മേപ്പാടി: ചൂരൽമല ദുരന്തത്തിൽ ജീവിതമാർഗം വഴിമുട്ടി നിൽക്കുന്ന കുടുംബങ്ങളിലേക്ക് ചെറിയ തോതിലെങ്കിലും ആശ്വാസം നൽകുന്നതിന് ഉപജീവന മാർഗമായി രണ്ട് തയ്യൽ മെഷീൻ നൽകി കൊണ്ട് കോഴിക്കോട് വിഎംഎച്ച്എം എച്ച്എസ്എസ് ആനയാം കുന്നിലെ എൻഎസ്എസ് യൂണിറ്റ് മാതൃകയായി.
എൻഎസ്എസിന്റെ സംസ്ഥാന നോർത്ത് റീജണൽതല ഉദ്ഘാടന ചടങ്ങിൽ തയ്യൽ മെഷീൻ ഗുണഭോക്താക്കൾക്ക് കൈമാറി പ്രോഗ്രാം കോഓർഡിനേറ്റർ എസ്. ശ്രീചിത്ത് ഉപജീവനം പദ്ധതി ഉദ്ഘാടനം ചെയ്തു. തിരുവന്പാടി ക്ലസ്റ്റർ കോഓർഡിനേറ്റർ ടി. രതിഷ് അധ്യക്ഷത വഹിച്ചു. എൻഎസ്എസ് ജില്ലാ കോഓർഡിനേറ്റർ കെ.എസ്. ശ്യാൽ മുഖ്യാതിഥി ആയിരുന്നു. പ്രോഗ്രാം ഓഫീസർ കെ.വി. നസീറ, കോഴിക്കോട് വടകര ക്ലസ്റ്റർ കോഓർഡിനേറ്റർ കെ. ഷാജി, മാവൂർ ക്ലസ്റ്റർ കോഓർഡിനേറ്റർ സില്ലി ബി. കൃഷ്ണൻ, അധ്യാപകരായ എൻ.കെ. സുഹൈർ, മിഥുൻ ജോസ്, ജോമോ ജൂലിയറ്റ്, എം.കെ. ഫെബിന, വൊളണ്ടിയർ ലീഡർ പി. മിൻഹ എന്നിവർ പ്രസംഗിച്ചു.