കൊ​ച്ചി: ക​ണ്ണൂ​ര്‍ എ​ഡി​എം ആ​യി​രു​ന്ന ന​വീ​ന്‍ ബാ​ബു​വി​ന്‍റെ മ​ര​ണ​ത്തി​ല്‍ സി​ബി​ഐ അ​ന്വേ​ഷ​ണം ന​ട​ത്ത​ണ​മെ​ന്ന ഭാ​ര്യ മ​ഞ്ജു​ഷ​യു​ടെ ആ​വ​ശ്യം ഹൈ​ക്കോ​ട​തി ഡി​വി​ഷ​ന്‍ ബെ​ഞ്ചും ത​ള്ളി.

കൊ​ന്നു കെ​ട്ടി​ത്തൂ​ക്കി​യ​താ​ണെ​ന്നും അ​ന്വേ​ഷ​ണ​സം​ഘം ഭ​ര​ണ​സ്വാ​ധീ​ന​ത്തി​ന് കീ​ഴ്‌​പ്പെ​ടു​മെ​ന്നു​മു​ള്ള വ്യ​ക്തി​പ​ര​മാ​യ സം​ശ​യ​ത്തി​ന്‍റെ​യോ ആ​ശ​ങ്ക​യു​ടെ​യോ അ​ടി​സ്ഥാ​ന​ത്തി​ല്‍ കേ​സ് സി​ബി​ഐ​ക്കു കൈ​മാ​റാ​നാ​വി​ല്ലെ​ന്നു വി​ല​യി​രു​ത്തി​യാ​ണു ജ​സ്റ്റീ​സ് പി.​ബി. സു​രേ​ഷ് കു​മാ​ര്‍, ജ​സ്റ്റീ​സ് ജോ​ബി​ന്‍ സെ​ബാ​സ്റ്റ്യ​ന്‍ എ​ന്നി​വ​ര​ട​ങ്ങു​ന്ന ഡി​വി​ഷ​ന്‍ ബെ​ഞ്ച് അ​പ്പീ​ല്‍ ത​ള്ളി​യ​ത്.

ഭ​ര​ണ​ക​ക്ഷി നേ​താ​വാ​യ പ്ര​തി പി.​പി. ദി​വ്യ​യെ സം​ര​ക്ഷി​ക്കാ​ന്‍ പോ​ലീ​സി​ല്‍ സ​മ്മ​ര്‍​ദ​മു​ണ്ടാ​കു​മെ​ന്നും സി​ബി​ഐ അ​ന്വേ​ഷി​ച്ചാ​ലേ സ​ത്യം പു​റ​ത്തു​വ​രൂ​വെ​ന്നു​മാ​യി​രു​ന്നു ഹ​ര്‍​ജി​ക്കാ​രി​യു​ടെ വാ​ദം. മ​തി​യാ​യ തെ​ളി​വു​ക​ളി​ല്ലെ​ന്നു വ്യ​ക്ത​മാ​ക്കി, സി​ബി​ഐ അ​ന്വേ​ഷ​ണ ആ​വ​ശ്യം നേ​ര​ത്തേ സിം​ഗി​ള്‍​ ബെ​ഞ്ച് ത​ള്ളി​യി​രു​ന്നു. ഇ​തി​നെ​തി​രേ​യാ​ണു ഹ​ര്‍​ജി​ക്കാ​രി ഡി​വി​ഷ​ന്‍ ബെ​ഞ്ചി​നെ സ​മീ​പി​ച്ച​ത്.

സം​സ്ഥാ​ന പോ​ലീ​സി​നെ​തി​രേ ചി​ല ആ​രോ​പ​ണ​ങ്ങ​ള്‍ ഉ​ന്ന​യി​ച്ചു​വെ​ന്ന​തു​കൊ​ണ്ടു മാ​ത്രം കേ​സ് സി​ബി​ഐ​ക്കു വി​ടാ​നാ​കി​ല്ലെ​ന്നും വേ​റി​ട്ട സാ​ഹ​ച​ര്യ​ങ്ങ​ളി​ല്‍ അ​നി​വാ​ര്യ​വും ഉ​ചി​ത​വു​മെ​ന്നു തോ​ന്നു​ന്നപ​ക്ഷം ഏ​റെ മു​ന്‍​ക​രു​ത​ലോ​ടെ മാ​ത്ര​മേ ഇ​ത്ത​രം ഉ​ത്ത​ര​വി​ടാ​നാ​കൂ​വെ​ന്നും കേ​സ് ഡ​യ​റി വി​ളി​ച്ചു​വ​രു​ത്തി പ​രി​ശോ​ധി​ച്ച ഡി​വി​ഷ​ന്‍ ബെ​ഞ്ച് വ്യ​ക്ത​മാ​ക്കി.


‌കേ​സ​ന്വേ​ഷി​ക്കു​ന്ന പ്ര​ത്യേ​ക സം​ഘ​ത്തി​ലെ ഉ​ദ്യോ​ഗ​സ്ഥ​ര്‍ അ​തി​നു പ്രാ​പ്ത​ര​ല്ലെ​ന്ന ആ​രോ​പ​ണം ഹ​ര്‍​ജി​ക്കാ​രി ഉ​ന്ന​യി​ച്ചി​ട്ടി​ല്ല. പ്ര​തി അം​ഗ​മാ​യ രാ​ഷ്‌​ട്രീ​യ ക​ക്ഷി സ്വാ​ധീ​നി​ക്കു​മെ​ന്ന ആ​ശ​ങ്ക​യും ന​വീ​ന്‍ ബാ​ബു​വി​നെ കൊ​ന്നു കെ​ട്ടി​ത്തൂ​ക്കി​യ​താ​ണെ​ന്ന സം​ശ​യ​വു​മാ​ണ് ഉ​ന്ന​യി​ക്കു​ന്ന​ത്.

മ​ര​ണം ആ​ദ്യം ക​ണ്ട ഡ്രൈ​വ​ര്‍ പോ​ലീ​സി​ല്‍ അ​റി​യി​ക്കാ​ന്‍ വൈ​കി, പോ​ലീ​സ് ന​ട​പ​ടി​ക്കു വൈ​കി, എ​ഫ്‌​ഐ​ആ​റി​ല്‍​ത്ത​ന്നെ ആ​ത്മ​ഹ​ത്യ​യെ​ന്നാ​ണ് പോ​ലീ​സ് നി​രീ​ക്ഷ​ണം, ഉ​ന്ന​ത ഉ​ദ്യോ​ഗ​സ്ഥ​നു പ​ക​രം ഇ​ന്‍​ക്വ​സ്റ്റ് ന​ട​ത്തി​യ​ത് സി​ഐ, ബ​ന്ധു​ക്ക​ളെ അ​റി​യി​ക്കാ​തെ ഇ​ന്‍​ക്വ​സ്റ്റ്, ബ​ന്ധു​ക്ക​ള്‍ എ​ത്തും മു​മ്പേ പോ​സ്റ്റ്‌​മോ​ര്‍​ട്ടം, മൃ​ത​ദേ​ഹ​ത്തി​ന്‍റെ പാ​ദം നി​ല​ത്തു​തൊ​ട്ട നി​ല​യി​ലാ​യി​രു​ന്നു തു​ട​ങ്ങി​യ​വ​യാ​യി​രു​ന്നു ഉ​ന്ന​യി​ച്ച ആ​രോ​പ​ണ​ങ്ങ​ള്‍.

ഇ​തൊ​ന്നും അ​ന്വേ​ഷ​ണം പ​ക്ഷ​പാ​ത​പ​ര​മാ​ണെ​ന്നു ക​രു​താ​ന്‍ കാ​ര​ണ​ങ്ങ​ള​ല്ലെ​ന്നു കോ​ട​തി ചൂ​ണ്ടി​ക്കാ​ട്ടി.