ഇ. അഹമ്മദ് ഇന്‍റർനാഷണൽ കോൺഫറൻസിന് നാളെ കണ്ണൂരിൽ തുടക്കമാകും
Friday, February 7, 2025 2:12 AM IST
കണ്ണൂർ: മുൻ കേന്ദ്രമന്ത്രിയും മുസ്‌ലിംലീഗ് ദേശീയ പ്രസിഡന്‍റുമായിരുന്ന ഇ.അഹമ്മദിന്‍റെ ആശയാദർശങ്ങളും മാനവിക മൂല്യങ്ങളും പ്രചരിപ്പിക്കുന്നതിന്‍റെ ഭാഗമായുള്ള ഇ. അഹമ്മദ് ഇന്‍റർനാഷണൽ കോൺഫറൻസ് നാളെയും മറ്റന്നാളും മുണ്ടയാട് ഇൻഡോർ സ്റ്റേഡിയത്തിൽ നടക്കുമെന്ന് സംഘാടക സമിതി ചെയർമാൻ അബ്ദുറഹിമാൻ കല്ലായി, സംഘാടക സമിതി ജനറൽ കൺവീനർ അഡ്വ. അബ്ദുൽ കരീം ചേലേരി എന്നിവർ പത്രസമ്മേളനത്തിൽ അറിയിച്ചു.
‘ഇ. അഹമ്മദ്: കാലം, ചിന്ത’ എന്ന ശീർഷകത്തിൽ എല്ലാ രണ്ടു വർഷം കൂടുമ്പോഴും ഇ. അഹമ്മദ് ഫൗണ്ടേഷൻ നടത്താൻ ഉദ്ദേശിക്കുന്ന കോൺഫറൻസിന്‍റെ പ്രഥമ എഡിഷനാണിത്.
നാളെ വൈകുന്നേരം നാലിന് മുസ്‌ലിം ലീഗ് സംസ്ഥാന പ്രസിഡന്‍റും ദേശീയ പൊളിറ്റിക്കൽ അഡ്വൈസറി കമ്മിറ്റി ചെയർമാനുമായ പാണക്കാട് സയ്യിദ് സാദിഖലി ശിഹാബ് തങ്ങൾ കോൺഫറൻസ് ഉദ്ഘാടനം ചെയ്യും.