റാ​ന്നി: മ​ന്ദ​മ​രു​തി​യി​ൽ കാ​റി​ടി​പ്പി​ച്ച് യു​വാ​വി​നെ കൊ​ല​പ്പെ​ടു​ത്തി​യ കേ​സി​ൽ നാ​ലു പേ​ർ അ​റ​സ്റ്റി​ൽ.

റാ​ന്നി പ​ഴ​വ​ങ്ങാ​ടി വെ​ട്ടി​ക്ക​ൽ ബാ​ബു​വെ​ന്നു വി​ളി​ക്കു​ന്ന സു​രേ​ഷി​ന്‍റെ മ​ക​ൻ അ​മ്പാ​ടി സു​രേ​ഷ് (24) ഞാ​യ​റാ​ഴ്ച രാ​ത്രി കാ​റ​പ​ക​ട​ത്തി​ല്‍ മ​രിച്ചതാ​യി പ്രാ​ഥ​മി​ക നി​ഗ​മ​ന​ത്തി​ലെ​ത്തി​യ സം​ഭ​വ​മാ​ണ് അ​ന്വേ​ഷ​ണ​ത്തി​ല്‍ കൊ​ല​പാ​ത​ക​മെ​ന്നു തെ​ളി​ഞ്ഞ​ത്.

അ​ത്തി​ക്ക​യം നീ​രാ​റ്റു​കാ​വ് താ​ഴ​ത്തെ​ക്കൂ​റ്റ് അ​ക്സം ആ​ലിം (25), ചേ​ത്ത​യ്ക്ക​ല്‍ ന​ട​മം​ഗ​ല​ത്ത് അ​ര​വി​ന്ദ് (30), ചേ​ത്ത​യ്ക്ക​ല്‍ അ​ജോ എം. ​വ​ര്‍ഗീ​സ് (30), ചേ​ത്ത​യ്ക്ക​ല്‍ ന​ട​മം​ഗ​ല​ത്ത് ഹ​രി​ക്കു​ട്ട​ൻ (28) എ​ന്നി​വ​രാ​ണ് കൊ​ല​പാ​ത​ക കേ​സി​ൽ പി​ടി​യി​ലാ​യ​ത്.

ഞാ​യ​റാ​ഴ്ച ഉ​ച്ച​ക​ഴി​ഞ്ഞ് റാ​ന്നി ബി​വ​റേ​ജ​സ് ഔ​ട്ട്‌ലെ​റ്റി​നു മു​ന്പി​ൽ പാ​ർ​ക്കിം​ഗി​നെ​ച്ചൊ​ല്ലി​യു​ള്ള വാ​ക്കു​ത​ർ​ക്ക​വും സം​ഘ​ർ​ഷ​വു​മാ​ണ് കൊ​ല​പാ​ത​ക​ത്തി​ലെ​ത്തി​യ​ത്.​


അ​മ്പാ​ടി​യു​ടെ സു​ഹൃ​ത്ത് മി​ഥു​നും എ​തി​ർ സം​ഘാം​ഗം അ​ജോ​യും ത​മ്മി​ലാ​ണ് വാ​ക്കു​ത​ർ​ക്കം ആ​ദ്യമുണ്ടാ​യ​ത്. വി​വ​രം അ​റി​ഞ്ഞു മ​ന്ദ​മ​രു​തി​യി​ലേ​ക്ക് കാ​റി​ലെ​ത്തി​യ അ​മ്പാ​ടി സ്വ​ന്തം വാ​ഹ​ന​ത്തി​ൽനി​ന്നു പു​റ​ത്തേ​ക്ക് ഇ​റ​ങ്ങു​ന്ന​തി​നി​ടെ എ​തി​ർ​സംഘം കാ​റി​ടി​ച്ചു വീ​ഴ്ത്തു​ക​യും ശേ​ഷം ശ​രീ​ര​ത്തി​ന് മു​ക​ളി​ലൂ​ടെ ക​യ​റ്റു​ക​യാ​യി​രു​ന്നു​വെ​ന്നു​മാ​ണ് മൊ​ഴി.

ഭാ​ര്യ: ഹ​ണി, മ​ക​ന്‍: സു​ദേ​വ്. റാ​ന്നി ഇ​ട്ടി​യ​പ്പാ​റ​ക്കു സ​മീ​പം താ​മ​റ​ത്ത് വാ​ട​ക​യ്ക്ക് താ​മ​സി​ച്ചു വ​രി​ക​യാ​യി​രു​ന്നു.