പി. ജയരാജന്റെ ഗുഡ് സര്ട്ടിഫിക്കറ്റ് വേണ്ട: പിഡിപി
Sunday, October 27, 2024 6:50 AM IST
കൊച്ചി: കേരളത്തിലെ മുസ്ലിം ചെറുപ്പക്കാരില് തീവ്രവാദചിന്ത വളര്ത്തിയതില് അബ്ദുൾ നാസര് മദനിക്ക് പങ്കുണ്ടെന്ന പി. ജയരാജന്റെ പുസ്തകത്തിലെ പരാമര്ശം അടിസ്ഥാനരഹിതമെന്ന് പിഡിപി. മദനിക്ക് പി.ജയരാജന്റെ ഗുഡ് സര്ട്ടിഫിക്കറ്റ് വേണ്ട.
വിഷയത്തിൽ പരസ്യസംവാദത്തിന് വെല്ലുവിളിക്കുന്നു. ഇതു സിപിഎമ്മിന്റെ അഭിപ്രായമാണെങ്കിൽ പാർട്ടി സെക്രട്ടറി പറയണമെന്നും പിഡിപി സംസ്ഥാന ജനറല് സെക്രട്ടറിമാരായ വി.എം. അലിയാര്, ടി.എ. മുജീബ് റഹ്മാന് എന്നിവർ പറഞ്ഞു.