മുഖ്യമന്ത്രി ശ്രമിക്കുന്നത് ആർഎസ്എസിനെ തൃപ്തിപ്പെടുത്താൻ: കെ. സുധാകരൻ
Sunday, October 27, 2024 6:22 AM IST
തിരുവനന്തപുരം: ആർഎസ്എസുമായുള്ള ബന്ധം സിപിഎം ശക്തിപ്പെടുത്തുന്നതിന്റെ ഭാഗമായാണു ന്യൂനപക്ഷ സംഘടനകളോട് മുഖ്യമന്ത്രി അയിത്തം കൽപ്പിക്കുന്നതെന്ന് കെപിസിസി പ്രസിഡന്റ് കെ. സുധാകരൻ എംപി.
നാലുപതിറ്റാണ്ടു കാലത്തെ സൗഹൃദമുണ്ടായിരുന്ന ജമാഅത്ത് ഇസ്ലാമിയെയും 2009ൽ പരസ്യമായി തെരഞ്ഞെടുപ്പ് സഖ്യത്തിലേർപ്പെട്ടിരുന്ന പിഡിപിയെയും പൊടുന്നനെ സിപിഎമ്മും മുഖ്യമന്ത്രിയും തള്ളിപ്പറയുന്നത് സംഘപരിവാർ നേതൃത്വത്തെ തൃപ്തിപ്പെടുത്താനാണ്. വിദ്വേഷ സ്വരങ്ങളെ മുഖ്യമന്ത്രി ഒളിപ്പിച്ച് കടത്തുന്നത് സംഘപരിവാറിനെ സംതൃപ്തിപ്പെടുത്താനാണെന്നും സുധാകരൻ അഭിപ്രായപ്പെട്ടു.