ടെഡ്എക്സ് ഇവന്റ് ഇന്ന് സഹൃദയയിൽ
Saturday, October 26, 2024 1:10 AM IST
കൊടകര: ലോകമെന്പാടുമുള്ള പ്രതിഭകൾക്കും ആശയവിപ്ലവത്തിനും വേദിയൊരുക്കുന്ന ടെഡ്എക്സ് ഇവന്റ് ഇന്ന് സഹൃദയ കോളജ് ഓഫ് എൻജിനിയറിംഗ് ആൻഡ് ടെക്നോളജിയിൽ നടക്കും.
ഒട്ടേറെ പ്രതിഭകളാണ് സഹൃദയ കാന്പസിൽ എത്തുക. ടെഡ്എക്സ് സഹൃദയ സിഇടി പരിപാടി ഉച്ചയ്ക്ക് 12.30 മുതൽ വൈകുന്നേരം നാലുവരെയാണ്.
റേഡിയോ അവതാരകൻ ആർജെ മാത്തുക്കുട്ടി, സാങ്കേതിക യൂട്യൂബർ മിസ്റ്റർ പെർഫെക്ട് ടെക് എന്ന നിതിൻ രാജ്, കാന്താരിയുടെ സ്ഥാപകനായ നെതർലാൻഡ്സിൽനിന്നുള്ള സാമൂഹിക സംരംഭകൻ പോൾ ക്രോണൻബെർഗ്, എഴുത്തുകാരനും ഡിജിറ്റൽ മാർക്കറ്റിംഗ് വിദഗ്ധനുമായ അജയ് ബാലചന്ദ്രൻ, ഇൻഡക്സ് ഓപ്ഷൻ ട്രേഡിംഗ് വിദഗ്ധൻ ഷിജുമോൻ ആന്റണി എന്നിവരാണ് അനുഭവങ്ങൾ പങ്കുവയ്ക്കുക.